CHAMPIONS LEAGUE 2022-2023 YATANGIYE IDAHIRA CHELSEA FC.
sammy16
Mu ijoro ryacyeye nibwo hatangiye gukinwa imikino y'irushanwa rya UEFA Champions League 2022-2023 rihatse ayandi ku mugabane w'i Burayi.
Benshi bari banyotewe no kongera kubona uko amakipe yabo yitwara mu kibuga yesurana mu mikino y'ibanze y'amatsinda nubwo amwe bitayahiriye.
Abakunzi b'ikipe ya Chelsea Fc bakomeje kubabazwa nayo kuko ikomeje kugana aharindimuka nyuma yo gutsindwa umusubirizo muri Shampiyona byabaye ibindi bindi no muri Champions League iba ari yo iherwaho ikubitwa nabi igitego kimwe ku busa na Dinamo Zagreb yo mu gihugu cya Croatia.
Nicyo gitego cya mbere muri iri rushanwa cyatsinzwe na Mislav Orsic ubica bigacika muri iyi kipe ya Dinamo Zagreb byari bihagije ku munota wa 13 ngo inshundura zinyeganyege.
Si wo mukino wonyine wabaye kuko Ikipe ya Manchester City yandagaje Sevilla yo muri espagne ibitego bine byose ku busa.
Uko imikino yose yaraye igenze;
-Borussia Dortmund 3-0 FC Copenhagen
-Paris Saint Germain 2-1 Juventus
-FC Red Bull Salzburg 1-1 AC Milan
-Celtic 0-3 Real Madrid
-RB Leipzig 1-4 Shakhtar Donetsk
-Sevilla 0-4 Manchester City
-Dinamo Zagreb 1-0 Chelsea
-Benfica 2-0 Maccabi Haifa
Niyo mikino ya mbere ibaye ya Champions League aho amakipe afite kuzakina imikino 6 yose mu matsinda irushanwa rikabona gukomeza no mu bindi byiciro.
