M23 YISHE ABANDI BASIRIKARE BAKOMEYE.
sammy16
Inyeshyamba z'umutwe wa M23 wivuganye abasirikare bakomeye b'u Burundi bari baje kwifatanya ku rugamba na FARDC muri teritwari ya MASISI.
Byabaye bibi cyane Mu karere ka MUSHAKI Kuva ku wa mbere w'iki cyumweru rwarambikanye hagati ya M23 ihanganye mu ntambara n'ingabo za leta ya Repubulika iharanira Demokarasi ya Congo FARDC zifatanyije na FDNB hamwe n'abarwanyi ba WAZALENDO.
Nk'uko byatangajwe n'ubuyobozi bwa M23, Abasirikare babiri bakomeye b'u Burundi barimo MAJOR Ngendakumana Pascal uzwi ku izina rya FARAJA baguye muri iyi mirwano kuri uyu wa 5 Ukuboza 2023 mu bice bya SAKE na MUSHAKI n'inkengero zaho.
Iyi nkuru y'incamugongo igitangazwa, binyuze ku rubuga rwa X rwahoze ari Twitter byaje kwemezwa na NINAHAZWE Pacifique umwe mu mpirimbanyi z'uburenganzira bwa muntu i Bujumbura yeruye ko aba basirikare bapfuye urusorongo kuva tariki 4 Ukuboza.
Ati "MAJOR Onesphore Ndayiragije na MAJOR Pascal Ngendakumana bapfiriye mu mirwano yo guhashya M23 ihanganyemo na FARDC ku wa mbere, Bapfuye bambaye impuzankano ya FARDC."
Yongeyeho ko uretse aba basirikare b'ipeti rya Major, hari n'abandi babiri bo ku ipeti rya Lieutenant nka Lt. Col. SINGIRANKABO Ladislas n'abandi batari bake bahasize ubuzima.
Abarimo Major NDAYIZEYE Andre wabarizwaga muri Batayo ya 8 izwi yiswe TAFOC nyuma yo gukomereka bikomeye yaje gutabaruka ashiramo umwuka.
Benshi batawe muri yombi na M23 biyongera ku bandi barundi bafashwe mpiri n'uyu mutwe.
Soma; https://www.kalisimbi.com/m23-yafashe-mpiri-abasirikare-babarundi-bihishe-muri-fardc
Umuyobozi mukuru wa M23, Bertrand BISIMWA abinyujije ku rubuga rwa X yatunze agatoki ingabo z'U Burundi zikomeje kwifatanya na FARDC ashimangira ko bazakomeza kuzirwanya nta mususu.
BISIMWA Bertrand, umuyobozi mukuru wa M23.
