M23 NA FARDC ZAHAGARITSE IMIRWANO.
sammy16
Ingabo za leta ya Repubulika iharanira Demokarasi ya Congo FARDC zemeranyije n'umutwe wa M23 zihagarika imirwano.
Ni agahenge kagomba kumara amasaha 72 gusa nta masasu yongeye gusakuriza mu mashyamba ya Kivu ya ruguru hari hamaze kuba isibaniro.
Nk'uko byatangajwe n'urwego rw'igihugu rushinzwe umutekano muri leta zunze ubumwe z'America, NSC, hemejwe ko hagomba kuba umutuzo mu gihe cy'iminsi isaga 3.
Nyuma y'ubusabe bwa leta zunze ubumwe z'America, Byashimangiwe n'itangazo ry'umuvugizi wa NSC, Adrienne Watson ryavugaga ko iki cyemezo cyatangiye kubahirizwa kuri uyu wa mbere.
Impamvu y'ibi byose ari ukoroshya ibikorwa byo kwimura ingabo zari mu bice bya KITCHANGA ,KIROLIRWE na MUSHAKI aho zari zikambitse.
Adrienne Watson umuvugizi wa NSC
Bibaye nyuma yuko AVRIL Danica Haines umunyamategeko unafatiye runini urwego rw'igihugu rw'ubutasi mu biro bya JOE BIDEN, agiriye uruzinduko rw'akazi mu Rwanda no muri Repubulika iharanira Demokarasi ya CONGO aho yaganiriye byihariye na Perezida Tshisekedi mu biganiro byaganishaga ku itangwa ry'aka gahenge.
Ni mu gihe kandi Ibiro bya Perezida w'America, JOE Biden , byemeje ko zishyize umutima ku uguhagarika iyi ntambara hagamijwe kugarura umutekano mu ntara ya KIVU byumwihariko ya ruguru.
Intambara iri hagati ya M23 na FARDC yari imaze kuba agatereranzamba byageze naho ingabo z'ibihugu by'akarere k'Affrica y'iburasirazuba,EACRF zakuyemo akazo karenge bigeze aho rukomeye.
Soma; https://www.kalisimbi.com/m23-yishe-abandi-basirikare-bakomeye
Byageze n'aho ingabo za leta ya Congo zasubiranyemo n'abarwanyi ba WAZALENDO bari bahurije ku mugambi wo kwikiza umwanzi.
Isomere; https://www.kalisimbi.com/fardc-na-wazalendo-basubiranyemo-barasanira-i-goma
Leta ya KINSHASA yari yitabaje ingabo z'ibihugu bibarizwa mu gace k'Africa y'Epfo, SADC, nyuma y'aho izindi zari zananiwe gutsimbura umutwe wa M23.
Soma; https://www.kalisimbi.com/m23-ikubise-inshuro-fardc-isatira-umujyi-wa-sake
