HARACA UWAMBAYE MU BIRORI BYO GUTORA ABAKINNYI BEZA MU BWONGEREZA UYU MWAKA.
Byahumuye! Ni amasaha make abura ngo ijoro ry'ibirori by'akataraboneka ngarukamwaka mu gihugu cy'ubwongereza aho biri bubere i London mu murwa mukuru.
![HARACA UWAMBAYE MU BIRORI BYO GUTORA ABAKINNYI BEZA MU BWONGEREZA UYU MWAKA.](https://kalisimbi.com/uploads/images/2022/06/image_750x_62a1f78104aed.jpg)
Hagiye gutorwa umukinnyi wahize abandi mu mwaka w'imikino urangiye 2021-2022 muri Shampiyona ihatse izindi y'ubwongereza 'Premier League' haba mu bagabo no mu bagore.
Ni amasaha make abura ngo ijoro ry'ibirori by'akataraboneka ngarukamwaka mu gihugu cy'ubwongereza aho biri bubere i London mu murwa mukuru.
Abakinnyi b'ibihangange mu bagabo no mu bagore bahatanye mu byiciro bitandukanye baturutse mu makipe yabo babukereye hibazwa uri butahane igihembo cyifuzwa na buri mukinnyi.
Mu cyiciro gihanzwe amaso na benshi, hahanganyemo;
Christiano Ronaldo wa Manchster United FC
Virgil Van Dijk,Sadio Mane na Mohammed Salah bose ba Liverpool FC
Harry Kane wa Tottenham FC
na Kevin De Bruyne wa Mancehster City FC
Ibi bihangange byose bihataniye igihembo cy'umukinnyi w'umwaka 'PFA MEN'S PLAYER OF THE YEAR 2022' muri shampiyona y'ubwongereza
Ikindi cyiciro kitezweho ugutungurana ni mu bakinnyi bakiri bato bagomba kuvamo umukinnyi w'umwaka 'PFA MEN'S YOUNG PLAYER OF THE YEAR 2022'.
Phil Foden wa Manchester City FC
Reece James wa Chelsea FC
Conor Gallagher wa Crystal Palace FC
Jacob Ramsey wa Aston Villa FC
Bukayo Saka na Emile Smith Rowe ba Arsenal FC.
Abagomba gutorwamo umugore witwaye neza kurusha abandi harimo Alex Greenwood na Lauren Hemp ba Manchester City,Pernille Harder na Sam Kerr ba Chelsea hamwe na Kim Little na Viviane Miedema ba Arsenal.
Lauren Hemp wa Man. City agaruka mu cyiciro cy'abakobwa bato bitwaye neza aho ahatanye na Lauren James wa Chelsea,Frida Maanum wa Arsenal,Jessica Naz wa Tottenham,Ella Toone wa Man. UTD hamwe na Maya Le Tissier wa Brighton & Hove Albion.
Kevin De Bruyne niwe waherukaga gutwara igihembo cy'umukinnyi mwiza mu bagabo 'PFA MEN'S PLAYER OF THE YEAR 2021' naho mu bagore yari uwitwa Fran Kirby wa Chelsea.