AMAREMBO CITY CENTER INYUBAKO NSHYA I KIGALI.
sammy16
Umujyi wa Kigali nk'umurwa mukuru w'u Rwanda ukomeje gutera imbere umunsi ku munsi hazamurwa inyubako zitandukanye ziteye amabengeza.
Rwagati mu mujyi ahazwi nka 'Downtown' mu karere ka Nyarugenge hagiye kubakwa inzu y'umuturirwa y'agatangaza yubakanywe ikoranabuhanga rihambaye yiswe 'AMAREMBO CITY CENTER' ikomeje kuvugisha abawutuye bitewe n'imiterere yayo iri ku rundi rwego.
Hashyizwe hanze igishushanyombonera mu ifoto cy'Uyu muturirwa uzaba uherereye neza hagati ya Kigali City Tower na Kigali City Mall yahoze yitwa UTC[Union Trade Center] mu kibanza cyahozemo Ets. verma, Akagera Motors ,Mironko na Mukangira aho byitezwe ko uzaba ugaragara bibereye ijisho.
Hateganyijwe ko ibibanza byose bigomba kubyazwa umusaruro ndetse ba nyirabyo bashishikarizwa kubikora byihuse mu rwego rwo kuzamura isura nziza y'umujyi ufatwa nk'ikirango cy'u Rwagasabo.
Iterambere rya KIGALI ryimirije ubutitsa n'abayituye bigaragarira amaso ya buri wese, uyivuyemo uyu munsi ukamara icyumweru ahandi ugaruka usanga hari icyahindutseho, imihanda, inyubako n'ibindi bikorwaremezo bishya nibyo bigusanganira bishimangira ubudasa mu rw'imisozi igihumbi.
