M23 IHANUYE INDEGE Y'UBUTASI BWA FARDC.
sammy16
Indege nto y'ubutasi bw'ingabo za Repubulika iharanira Demokarasi ya Congo yahanuwe n'umutwe wa M23.
Mu gitondo cyo kuri uyu wa 24 Ugushyingo 2023, nibwo inyeshyamba z'umutwe wa M23 zatangaje ko zihanuye indege nto y'igisikare cya FARDC cyifashishaga mu rwego rw'ubutasi.
Iyi ndege izwi nka Drone mu rurimi rw'icyongereza, ihanutse nyuma y'imirwano ikomeye ikomeje kubera mu bice bitandukanye nka Kirolirwe, Kalenga na Kimoka hatari kure y'umujyi wa SAKE.
Ni imirwano yahereye mu rukerera rwo kuri uyu munsi, aho M23 ikomeje gusatira SAKE ishaka kuyigarurira.
Soma; https://www.kalisimbi.com/m23-ikubise-inshuro-fardc-isatira-umujyi-wa-sake
Abinyujije ku rukuta rwa X, umuyobozi mukuru wa M23 uzwi nka Bertrand BISIMWA yasangije abamukurikira ko uretse no guhanura indege n'ibindi bigomba gukorwa kuko bagitsimbaraye ku ukurwanira uburenganzira bwabo.
Yongeyeho avuga ko umutwe ayoboye witeguye gukaza umurego mu kurinda umutekano w'abaturage w'aho bafashe binyuze mu guhashya ibitero byose by'ingabo za FARDC, Wazalendo n'ingabo za MONUSCO nazo zongeye kwijandika muri iyi ntambara.
Bikomeje kuba ibindi bindi mu burasirazuba bwa Congo Kinshasa, mu gihe abo mu murwa mukuru n'izindi ntara z'iki gihugu bahugiye mu bihe by'amatora aho abakandida bahatanye mu kwiyamamaza.
Soma; https://www.kalisimbi.com/rdc-m23-ishobora-kwigarurira-kivu-yose-bidatinze
