ABARUNDI BARIGARAGAMBYA KU BWA BRUCE MELODIE.
sammy16
Kugeza n'ubu Itahiwacu Bruce wamamaye muri muzika nyarwanda nka BRUCE MELODIE aracyafungiye i Bujumbura muri kasho aho ashoberewe.
Ibyo gutarama byo bisa n'ibyahagaritswe na nyuma yuko Minisiteri y'umutekano i Burundi yabyivanzemo ikenemeza ko uyu mugabo atapfa gufungurwa ako kanya kubera ubutekamutwe akekwaho.
Intimba ni yose ku barundi bamufana bari baramwiteguye imyaka myinshi bishobora no kubyara imyigaragambyo aho bukera nyuma yo guhera ku mbuga nkoranyambaga bikaba byagera n'imihanda bakayirara.
Uwabitije umurindi wa mbere ni umuhanzi w'umunyabigwi i Burundi KIDUM Kibido witandukanyije yamagana iri fungwa rya Bruce Melodie mu masaha make ashize.
Ubwo yaganiraga na BBC yagize ati "Ibi bintu bioshobora kuzana 'Incedent Diplomatique' hagati y'ibihugu vyariho bivugana neza ku bibareba. Njewe mu kwezi kw'indwi nari i Kigali. None undi muhanzi yahise agira icizere ko yoja i Bujumbura. None urumva mugabo hari ivyari bibaye."
Kidum yakomeje avuga ko byagombaga gukemukira hagati yabo. Hashize akanya benshi mu barundi batangiye kunga mu rya Kidum batangira gutuka bamwe mu bayobozi hamwe n'uyu wa mureze witwa Toussaint bisa no kwikananshura bishyira imyigaragambyo.
Amakuru ageze kuri Kalisimbi.com aka kanya aravuga ko uyu mugabo bisa naho adakeneye amafaranga ahubwo haba hari ibindi bibyihishe inyuma hanakekwa ko hari ibyo apfa n'uwatumiye MELODIE kuri iyi nshuro mu bitaramo yari agiye gukora.
Uyu mugabo kandi yavuze ko Bruce Melodie amufitiye amadorali 2000$ [Miliyoni 2 Frw] yamuhaye ubwo yari yamutumiye mu gitaramo umwaka ushize, ariko Leta y’u Burundi ikaza kugihagarika, ivuga ko ari mu rwego rwo kwirinda Covid-19.
BRUCE MELODIE wifashe mapfubyi
Toussaint anavuga ko yishyuza Bruce Melodie miliyoni 30 z’amafaranga y’amarundi asaga 15,161,384 Frw yakoresheje amutegurira igitaramo cye mu Burundi, akaba yarayahombye wateranyaho n'ibihumbi 2 by'amadolari ari yo miliyoni ebyiri bikaba miliyoni 17 imbumbe z'amanyarwanda..
Ibi byose bikomeje kuba agatereranzamba ndetse benshi bahamya ko bishobora gukurura umwuka mubi hagati y'ibihugu byombi bikarenga kuba imyidagaduro bikinjiramo na politike.
Soma: https://www.kalisimbi.com/bruce-melodie-i-burundi-bibaye-ibindi-bindi
Soma: https://www.kalisimbi.com/BRUCE-MELODIE-ATAWE-MURI-YOMBI-NA-POLISI-I-BUJUMBURA
