EPISODE 18
"""""""""""""""""""""""""""""""""""""""""""""""""""
Gutten Nachmittag!!!!!! Nje mbasuhuza mu ururimi mutamenyereye ariko bamwe muraruzi nsuhuje abari muri Germany n'ahandi ndabakunda,niba utamenye icyo mvuze ubimbaze muri Comment.
Nta gutinda rero uko mwese mubizi ukuri kose kwari kwashyizwe ahagaragara ndetse Director yamenye byinshi kuri Discipline master by'amakosa yakoze.
Linda we cyari cyo gihe cyo kurenganurwa,Gaston we yari akuwe amata ku umunwa,Muganga we nyuma y'inama nayo tutamenye imyanzuro yayo yaje yiruka yereka Director icyo yibagiwe.
Director nyuma y'inama yihutiye gukingura ibiro bye maze agiye kwinjira Muganga aza yiruka ubona ko akanyamuneza ari kose mu maso he bisa naho hari icyamunyuze.
Muganga: "Hari icyo mwari mwibagiwe!"
Director:(ahindukira areba muganga,akaboko karimo gukingura urugi)"ni iki?"
Muganga: " Nimwakire" (amuha ikaramu ye yari asize ku meza yari iri mu cyumba cy'inama)
Director: "Oooooh Urakoze cyane"
Muganga: "Murakoze cyane namwe"
Director: "Okay" (agiye kwinjira yumva Muganga amubwiye ibindi )
Muganga: "Ariko by'umwihariko ndabashimira kubera biriya byemezo mwafashe kuko byari bikwiye"
Director: "Okay ni byiza kandi wishimire nawe ko Uri umwe mubabifashe"
Muganga: "Yego"
Director: "Akazi keza kandi ukomeze ukanoze"
Bahita batandukana Muganga ajya mu kazi ke bisanzwe,Director nawe yinjira aho akorera aricara ashyira ku umurongo ibintu byose vuba vuba asoje ahita yongera gutuzaho gato asa nk'utekereza muri uwo mwanya haba hari ukomanze,hinjira Discipline master amuhagarara imbere bararebana mu maso maze agira icyo amubwira.
Discipline master: "Uri umuyobozi ndakubaha,Uri umubyeyi wanzanye aha,ni wowe umpemba nkabona uko mpaha,ariko kwemera no kwizera ko ari wowe wafashe iriya myanzuro ntabwo byakoroha,kuko ninko kundoha,kuko sinapfa guhita ntaha,izi saha,urabizi iwacu si inaha."
Director: "Ibyo navuze ubanza utanyumvise neza ariko"
Discipline master: "Icyo ntumvise ni ikihe se?"
Director: (arahaguruka) "Umwanzuro nafashe ukureba ni uko kuva ejo ntabwo ari uyumunsi, kuva ejo kugeza igihe uzabimenyesherezwa nibwo uzagaruka mu kazi hari ikindi?"
Discipline master: "ariko ni ukuri Muganga yambeshyeye"
Director: "biriya yabimbwiye nabimenye kare byari nko kumva indirimbo ya karahanyuze,rero ibyo ushaka kumbeshya ntabwo ari bishya."
Discipline master: "Ni ukuri mubyeyi mbabarira nta....." (Director ahita amuca mu ijambo )
Director: "ariko se koko wamburanye iki gituma akazi kakunanira bigeze hariya?..... Uzi iyo nagukuye.....wari uzi ko ninginze Animateur ngo akurenganure,ko hadaciye kabiri tuvuye kumusura wabonye ameze neza?.... Nawe urashaka gusubirayo ngo umusangeyo urabona iriya ari paradizo arimo?... Erega ntiwagakwiye gutinya gukora ibibi ngo nuko uzahanwa,Jya ukora ibyiza kuko bikwiye kandi nta muntu numwe urebeyeho nibwo uzatera imbere, naguhaye umushahara wifuza ngo unkorere akazi uko mbishaka ariko urantengushye,nguhaye igihe cyo kwitekerezaho nzakubwira ugaruke nimbitekerezaho neza kandi aya niyo mahirwe yawe ya nyuma, koko utinyuke ukore biriya biteye isoni?"
Discipline master: "Ngusabye imbabazi ntabwo...." (Director yongera kumuca mu ijambo)
Director: "Imbabazi ushaka zirenze izo naguhaye ni izihe? Ntakindi ahubwo reka guta umwanya genda uzane ba bakobwa mbirukane bo ntibandarira mu kigo,bagomba guhanwa."
Discipline master: (aragenda ageze ku umuryango, arahagarara aragaruka imbere ya Director) "munyihanganire!! Excuse me!!! Cya kibazo se cyo ntabwo mwareba uko mubigenza koko babyeyi?!!"
Director: "Nakubwiye genda ukore ibyo ukora vuba,icyo kibazo nacyumvise kandi ngukurire inzira ku umurima ko ntaza kubitekerezaho nonaha kuko hari byinshi nkwiye gukemura birimo no gushaka Animateur mushya uzakora n'inshingano zawe."
Discipline master: "Okay Murakoze"
Director: "icyo kibazo ndacyigaho ndebe niba bikwiye"
Discipline master yaragiye ashaka Betty na Gogo, bari bakiri mu amasomo ariko mu ishuri rya Betty nta mwalimu wari urimo babona aje yarakaye arembuza Betty wari wicaranye na Gaston bahuje urugwiro bisa naho ari cyo gihe cya nyuma bavuganye,Betty yarasohotse avuganira na Discipline master hanze.
Betty: "Ko urakaye byagenze bite?"
Discipline master: "genda ufate amakayi yawe ndetse n'ibindi bintu byawe muri dortoir kuko ugiye kwirukanwa ubu tuvugana umwe mu myanzuro yafashwe mu nama twarimo,ariko ubundi mwarasaze iyo mujya kuvuga... Nako tubireke genda vuba."(n'umujinya mwinshi)
Betty: (ashaka kurira)"Oyaaa ntibishoboka ubu se natunguka murugo mvuga iki?"
Discipline master:"Ibyo se birandeba,wagiye gukora amakosa uzi ko bitazakugaruka se?"
Betty: "Wamubwiye akambabarira koko... Mbabarira nzagukorera icyo wifuza cyose ariko umvuganire" (icyo atari azi ni uwo yabwiraga kumuvuganira ngo ababarirwe nawe yari yabuze umuvuganira)
Discipline master: "Oya ntibyashoboka byarangiye."
Betty: "banyirukanye burundu se cyangwa??"
Discipline master yahise amwima amatwi arikomereza ajya kureba na Gogo,Betty asigara ababaye isi isa n'imugwiriye ariko ariyumanganya ngo hatagira umubona akamucishamo ijisho, yahise asubira muri Class yisetsa byo kwiyererutsa asanga Gaston aramusomagura nkaho hari inkuru nziza abwiwe Gaston niko yatekereje,amubajije nyamukobwa nawe ntiyamusubiza ahubwo aramubwira ngo amucungire amakayi araje agiye kumubaza ikindi nanone asoma Gaston byo kujijisha arasohoka,Kumbi byari ukugira ngo Gaston atabimenya ako kanya ndetse no kudasohokana amakayi ngo batanakeka ko yirukanwe.
Discipline master noneho ageze muri Class ya Gogo yakoze agashya kuko yasohoye Gogo kumugaragaro anamutuka abanyeshuli bose barabimenya.
Abo bakobwa bahise bahurira muri dortoir barebana ay'ingwe umwe ashinja kuba yamutanze mbese bitana ba mwana n'umujinya mwinshi aho gufata ibyabo ngo batahe ahubwo bafatanamo ingumi ku yindi urushyi ku urundi, igitutsi ku kindi kuko batiyumvishaga ibyabayeho kuko Director yari yabakinnye agakino bituma ukuri kose kujya hanze.
Bakijijwe na Animatrice abategeka gukora ibyo bakora bagataha,baje kugera kwa Director buri wese yicara aho imbere y'ibiro n'ibintu bye bategereza impapuro zibirukana.
Linda we yari yicaranye n'abandi bakobwa bamukundaga ubona bishimiye ko ahorewe,Chance we yari yicaranye na Philippe nabo baganira bishimye.
Philippe: "kandi Chance narabivuze Gaston arabipinga" (amusekera)
Chance: "shahuu wowe ntabwo ubizi"
Philippe: "Icyakora Chance Uri intwali pe ntako utagize kandi ngushimiye ko wihanganiye ibyakubayeho byose ariko ukanga ugaharanira ukuri pe!!! Witwaye gitwali nta mukobwa nari nabona usa nawe."
Chance :"Shima IMANA niyo yabikoze si jye"
Philippe: (aramwitegereza cyane uko avuga bimutwara umutima) "Chance reka nkubwize ukuri dore ntawe utwumva nahereye kera mbitekerezaho ariko umutima ugiye gusandara"
Chance: "Ngo iki? Ko unteye ubwoba Wabaye iki ugiye kumbwira ??"
Philippe: "Chance nirengagije kenshi ariko wagiye ubibona nawe,ibyo ukora bikomeza kunkurura kuri wowe ku uburyo ntagishobora kwigarura."
Chance: (aramureba yitonze amuterekeye amaso) "gute?"
Philippe: "Chance Ndagukunda!!!!!!"
Chance: (ahita aceceka agira amasoni areba hirya no hino,imbere n'inyuma ngo arebe ko ntawe ubyumvise,amubuze arahindukira arongera aterekera amaso Philippe barebana akana ko mu ijisho,amubwira ijambo rimwe) "Ntibishoboka!!!"
Philippe: (agwa mu kantu abura ayo acira nayo amira ariko agatima karanga ntiyakurayo amaso) "Kubera iki?"
Chance: "Philippe iby'urukundo bingeze habi sinkikeneye kubyumva kandi am sorry wihangane kukubwira gutyo"
Philippe: (yishyiramo akanyabugabo) "wambwiye impamvu nyayo Chance!!???"
Chance: "Dore impamvu yumvikana ntagiye kure,Reba Linda uko ameze n'iriya mvune,reba Gaston aho yicaye yarasibiye muwa Gatanu kandi nabwo yaravuye mu bitaro agiye gupfa, Ibuka ko Gogo na Betty bagiye kwirukanwa,reba ibyakubayeho kubera Gaston n'igihe wamurwaje,ngaho garura amaso urebe izi nkovu n'iyi mibyimba y'inkoni nakubiswe kubera.........(abanza guceceka agiye kurira,Philippe agerageza kumukomeza)....byose ni ukubera urukundo rwa Gaston na Linda mbona rutakinashobotse.....none se urashaka ko mfata imbago cyangwa nawe ugahura n'ibindi bibazo?.... Izo mpamvu urumva wazirengaho ukajya mubyo......" (Ahita yipfuka mu maso n'amaboko aryama kuntebe asa n'urira)
Philippe biramuyobera abura icyo akora abura n'igisubizo asubiza Chance.
Gaston yicaye muri class yigunze amaze kubona ko Betty yirukanwe,arebera mu idirishya abona Director arasohotse asohokanye impapuro ebyiri rumwe aruha Betty bwa mbere urundi Gogo.
Betty na Gogo bamaze kwakira izo mpapuro zo kubirukana buri wese atangira gusoma ngo arebe ibihano byabo niba ari burundu cyangwa se suspension, Discipline master wari uhagaze hafi aho abonye Director asubiye muri bureau ye,yegera Betty amwongorera agira ati "humura wihangayika ndaza kukwereka.............
EPISODE 19 On the way..........................
Araza kumwereka iki?.....Aba bakobwa birukanywe burundu se cyangwa?....
Philippe ko atewe indobo na Chance impamvu ahawe zirumvikana?....(Tubwire uko ubyumva)
Iki kibazo cya Discipline master se ni ikihe ashaka ko Director yigaho?....
NTUZACIKWEEEEE
Kora SUBSCRIBE kuri iyi website kugirango ujye ubonera inkuru zacu ku gihe kandi wibuke gukora SHARE ubu buryohe we kubwihererana ubusangize n'inshuti zawe abo mukorana,mwigana utibagiwe abo ukunda cyane.
Ushaka kuvugisha Sammy wamwandikira kuri whatsapp kuri +250788452364
SHALOOOOOOM