M23 IFASHE BUGWATE UTUNDI DUCE I MASISI.
sammy16
Kuri uyu wa gatatu tariki 01 Gashyantare 2023 hamaze gufatwa utundi duce turimo BIRUNGU n'utundi tugizwe n'imidugudu itandukanye y'i MASISI twambuwe ingabo za Repubulika iharanira Demokarasi ya Congo.
Nk'uko tubikesha ALJAZEERA, nyuma y'imirwano ikomeye yashyamiranyije izi ngabo za leta n'inyeshyamba z'mutwe wa M23 yahereye mu cyumweru gishize ari agatereranzamba kugeza n'ubu bitarisobanura.
Amakuru aturuka mu ntara ya Kivu ya ruguru aravuga ko aka kanya inyeshyamba aho gusubira inyuma ahubwo zigaruriye indi misozi yiyongera ku yindi nka SABAIRO, NYAKABINGU,KAHE, KITOBO,MUBUU na KIHONGA muri teritwari ya MASISI.
Ibi bibaye kandi nyuma yuko ku munsi w'ejo hashize ingabo za leta FARDC zatangaje ko zashwiragije abarwanyi ba M23 zifashishije indege kabuhariwe z'intambara zizwi nka SUKHOI-25 n'imbunda ziremereye mu mujyi wa KITSHANGA.
Uku kwigamba ntikwatwaye umwanya munini na busa kuko inyeshyamba z'uyu mutwe zongeye kwigaragaza muri ibi bice zibeshyuza amakuru yari yasabagiye mu baturage.
