ABAKINNYI 5 BAHENZE KURUSHA ABANDI MURI PREMIER LEAGUE KUVA 2008.
sammy16
Kubera Uburyohe no gukomera kwa shampiyona y'abongereza 'PREMIER LEAGUE' , abakinnyi bahenze bakomeje kwiyongera ku bwinshi mu makipe yaho.
Kalisimbi.com yaguteguriye urutonde rw'abakinnyi binjiye muri iyi shampiyona bahinduranyije amakipe haba abaturutse hanze ya Premier League n'abari bayisanzwemo uko bagiye bahenda kuva mu mwaka wa 2008 kugeza uyu mwaka wa 2023.
Kuri uyu wa Gatatu tariki ya 01 Gashyantare benshi babyutse bibaza uko isoko ry'igura n'igurishwa ry'abakinnyi ryaraye rihumuje nk'uko byari biteganyijwe ariko risiga haciwe uduhigo tw'abakinnyi bahenze binjiye mu bwongereza ugereranyije n'imyaka yatambutse.
Ku mwanya wa mbere haza kizigenza uherutse kwegukana igikombe cy'isi na Argentina akomokamo, ENZO Fernandez watangiriye ukwezi abarizwa i LONDON mu myenda y'ibara ry'ubururu bwinshi bw'ikipe ya CHELSEA FC.
Kuri uru rutonde, hagaragaraho abakinnyi batandukanye uhereye ku uwa mbere ukageza ku uwa gatanu n'akayabo kabarirwa mu mapawundi bagiye bagurwa mu gihe bahinduranyaga amakipe binjira muri iyi shampiyona ifatwa nk'ihatse izindi kuri uyu mubumbe muri ruhago.
1. ENZO Fernandez - £106.8m winjiye CHELSEA FC avuye muri BENEFICA
2. JACK Grealish - £100m winjiye muri Manchester City aturutse muri Aston Villa
3. PAUL Pogba - £93.25m wari ukubutse muri JUVENTUS ajya muri Manchester United
4. FERNANDO Torres- £50m ava i LIVERPOOL yerekeza muri CHELSEA FC
5. ROBSON De Souza wamamaye ku kazina ka ROBINHO rutahizamu waguzwe asaga £32.5m aturutse muri REAL Madrid yinjira muri Manchester City
