INDIRIMBO 5 NSHYASHYA UDAKWIYE KWIRENGAGIZA.
sammy16
Impera z'icyumweru ziratangiye abahanzi nyarwanda nabo bakomeje guharanira kuzikuryohereza ngo zigende neza.
Ntaguhagarara mu gutanga indirimbo n'ibisigo bishya biryoheye amatwi bidasigana n'amashusho abereye ijisho atabishya ibikoresho.
Kalisimbi.com yaguteguriye indirimbo n'ibisigo bisaga 5 udakwiye kwirengagiza aho byinshi muri byo byasohotse kuri iyi tariki ya 07 Ukwakira muri uyu mwaka wa 2022.
Urutonde rw'izi ndirimbo n'ibisigo;
1. DJ ya NEL NGABO
2. MY BOO ya AFRIQUE
3. UMWANA ARARYOHA ya JUNIOR Rumaga,RIDERMAN na PEACE
4. KUBICU ya ACTIVE Again
5. UWO MUNTU ya YAMPANO
DJ ya NEL NGABO imaze amasaha 3 isohotse ku mbuga zose akoresha, yakozwe ku murishyo wa Clement Ishimwe, amashusho akorwa na GAD usanzwe uzwiho ubuhangange mu mwuga yatangiye.
MY BOO ya AFRIQUE nayo iri mu ndirimbo zasohotse kuri uyu wa gatanu w'icyumweru, yakozwe na Joachim uzwi nka "It's the Major" mu majwi naho amashusho yayo ayoborwa na Eazy Cuts wo mu itsinda rinini 'Big Team'.
UMWANA ARARYOHA ni igisigo utarenza amaso cya JUNIOR Rumaga yafatanyijemo n'umuraperi Riderman ndetse n'umuririmbyi kabuhariwe PEACE Jolis. Amajwi yacyo yatunganyijwe na EVYDECKS naho amashusho ayoborwa n'uwitwa Eugene Panda.
KUBICU y'itsinda rya ACTIVE Again yongeye kubagarura muri muzika bahanda imihanda, yakozwe ku murishyo wa ELEMENT muri Country Records, amashusho yayo ayoborwa na OSKADOS.
Kugira ubumuntu nabyo bikwiye kwimakazwa muri izi mpera z'icyumweru wiyimvira unareba indirimbo yitwa 'UWO MUNTU' y'umuhanzi YAMPANO.
