IMVURA Y'IBITEGO IHORA IGWA HAGATI YA LIVERPOOL NA ARSENAL.
sammy16
Kuri iki cyumweru Tariki ya 09 Ukwakira 2022 rurambikana hagati y'abarashi 'The Gunners' n'imituku 'REDs' muri shampiyona y'ubwongereza Premier League.
Umukino uhuza ikipe ya LIVELPOOL FC na ARSENAL FC ni umwe mu mikino itajya iburamo igitego byibura ndetse ukunze kubonekamo ibitego bitagira ingano.
Niwo mukino mu gihugu cy'ubwongereza wabonetsemo imbumbe y'ibitego 3 'Hatricks' nyinshi ku bakinnyi batandukanye barimo THIERRY HENRY kizigenza wakiniye Arsenal Fc mu myaka yo hambere kuva muri 1999 kugeza muri 2007, ntazibagirana mu mwaka wa 2004 ubwo Arsenal yatsindaga Liverpool ibitego 4 kuri 2 i London kuri sitade yayo Emirates.
Ibitego 175 nibyo bimaze kugaragara ku mpande zombi mu mikino yayahuje Mu mateka ya shampiyona y'ubwongereza.
Imbumbe z'ibitego 3 zizwi nka 'Hatricks' zatsinzwe mu mikino itandukanye ni 6 mu gihe byibura ibitego 17 byatsindiwe ku munota wa nyuma wa 90 no mu minota y'inyongera.
RAHEEM Sterling uherutse kuva muri Liverpool ni umwe mu batsinze Hatrick itangaje muri Gashyantare ya 2014 ubwo Liverpool yanyagiraga Arsenal imvura y'ibitego 5 kuri 1.
Zigiye gucakirana mu gicamunsi cy'uyu munsi ARSENAL ihabwa amahirwe yo gutahana intsinzi ahanini bitewe n'ibihe bitamereye neza Liverpool mu gihe abarashi bo bahagaze bwuma.
Gabriel Jesus wa Arsenal na Roberto Firimino wa Liverpool bose bakomoka muri Brazil
Rutahizamu wa Liverpool, MOHAMED SALAH akunze kugora ARSENAL
