CAMEROON IKOMOYE INOTA KURI VINCENT ABOUBAKAR UKOZE AMATEKA.
sammy16
Ni ibyishimo kuri Vincent Aboubakar wa Cameroon ukoze ibyari byaribagiranye ku bakinnyi nyafurika.
Kuri uyu wa 28 Ugushyingo 2022 nibwo ku isaha ya saa sita rwambikanye hagati y'ikipe y'igihugu cya Serbia na Cameroon mu mukino wari indyankurye.
Byatangiye Cameroon inyabikamo igitego ku munota wa 29 w'umukino gitsinzwe na Jean-Charles Castelletto gusa bisa no gukoza agati mu ntozi irahindukirirwa ikubitwa ibitego 3 byihuta batangira kwiheba bibaza aho intsinzi bari bizeye izava nyuma yo kubabazwa na Pavlovic,Savic na Mitrovic.
Kabuhariwe Aboubakar yaje kwishyura igitego kimwe ku munota wa 63 w'umukino akuka karagaruka guhanahana neza mu kibuga birasubira ntibyanatinda nyirubwite aza gufata umupira awutanga neza kuri rutahizamu Choupo Moting atsinda atsindagiye ku munota wa 66 bikomeza gukomera ariko umukino urangira utyo.
Vincent Aboubakar yahise aba umukinnyi w'umunyafurika utsinze igitego agatanga n'umupira uvamo igitego uzwi nka 'Assist' mu mukino umwe.
Byateye iteka benshi i Douala no mu mujyi wa Yaounde bishimira byibura iryo nota rimwe bari baronse bakesha rusengo.
Kumenya ko Ca,eroon izakomeza muri kimwe 1/8 cy'irangiza muri iyi mikino y'igikombe cy'isi byo ntawe ubizi n'ubwo ibizwi ari uko izacakirana na BRAZIL mu mukino wa nyuma mu itsinda.
