'NDASHAKA KUBAHA IBIKOMBE' CASSEMIRO WEREKANYWE BWA MBERE.
sammy16
Umunya-Brazil Carlos Henrique Cassemiro kuri uyu wa 25 Kanama 2022 ni itariki itazibagirana mu mateka ye bwa mbere yerekanwa mu ikipe nshya.
Yahawe ibyangombwa bimwemerera gukinira mu gihugu cy'ubwongereza mu ikipe ya Manchester United iherutse kumwegukana mu buryo bwashimishije abafana, ahita anatangirana imyitozo n'abandi i Carrington.
Inseko ni yose ku maso ha Cassemiro uje i Manchester avuye i Madrid muri Espagne, yavuze ijambo rikomeye yizeza abakunzi b'amashitani atukura 'Red Devils' nk'akabyiniriro ko ikimuraje inshinga ari ukugarura ibikombe mu kabati k'ikipe.
Ati "Icyo mparanira iteka ni ugutsinda imikino myinshi, gutwara ibikombe no guhesha abafana ishema binyuze mu kuzana intsinzi muri iyi kipe ikomeye."
Yavuze kandi ko ikimuzanye ari uguha ikipe ibikombe ati 'Ndashaka kubaha ibikombe' no gukomeza gutanga ibyiirato by'ikipe mu bakunzi bayo mu bufatanye bw'abakinnyi n'umutoza.
Umutoza ERIK TEN HAG wa Manchester United yakiranye ubwuzu Cassemiro amugereranya na 'Sima hagati y'amabuye' bikomeza urukuta rw'ikipe rwagati mu kibuga.
Akayabo ka Miliyoni 70 z'amapawundi niko uyu mukinnyi ukina hagati mu kibuga yugarira atanzweho byitezwe ko agiye kugarurira icyubahiro Manchester United yari imaze iminsi izunguzwa nubwo yatanze icyizere ku mukino iherutse gutsindamo Liverpool FC.
