UMUZAMU WA ZIMBABWE APFUYE AZIZE UMUTIMA.
sammy16
George Chigova wari umunyezamu w'ikipe y'igihugu ya ZIMBABWE yamaze gutabaruka azize indwara y'umutima.
Kuri uyu wa Gatatu, Tariki 15 Ugushyingo 2023, Inkuru y'akababaro itashye i Harare yemeza ko uyu munyabigwi warindiraga izamu ry'igihugu cye atakibarizwa mu bazima.
Hari mu gitondo, Ubwo yari ari mu myitozo na bagenzi be batunguwe no kumubona aguye igihumure, abaganga birukira mu kibuga n'ingbyi bamuterekaho ngo atekane ariko biba iyanga bamusohoye mu kibuga igitaraganya mu kujya kwa muganga umutima urahwana ahwera rimwe yitaba iyamuremye.
Chigova ku myaka ye 32, yari asanzwe ari umukinnyi kabuhariwe mu gufata imipira mw'ikipe ya Super Sports United yo mu gihugu cy'Africa Y'epfo, akaba ari naho yaguye.
Kuri ubu Ntabwo yarikumwe n'ikipe y'igihugu ye hano mu Rwanda, kuko atahamagawe mu bagomba gucakirana n'AMAVUBI ku gicamunsi cy'uyu munsi.
Ibigwi n'amateka bye byerekana ko Yakiniye amakipe atandukanye akomeye arimo DYNAMOS FC yo mu cyiciro cya mbere cy'umupira w'amaguru muri Zimbabwe, aho yatwaye ibikombe na bimwe mu bihembo byamugize ubukombe.
Nyuma yaho muri Nyakanga ya 2015, yaje kwerekeza mu babigize umwuga agurwa n'ikipe ya POLOKWANE City muri Africa Y'epfo asinya imyaka 3 anayitwaramo neza cyane yongezwa indi.
Ibi byatumye nyakwigendera CHIGOVA muri 2020 ahita abengukwa na Super Sports United aho yari umuzamu wayo w'ingenzi.
Yavutse ku wa 4 Werurwe 1991, akaba asoje urugendo rwe hano mu isi y'abazima kuri uyu wa 15 Ugushyingo 2023, byashenguye imitima y'abanya-Zimbabwe cyane bakunda ruhago.
