JOSE MOURINHO MU NZIRA YEREKEZA I PARIS SAINT GERMAIN.
Isinya ya Nasser El-Khelaifi uri mu biruhuko niyo ibura ngo Pochettino yigendere kuko iyi kipe yamaze...........
sammy16
Umutoza Jose Mario Dos Santos Mourinho Felix biravugwa ko yaba ari mu nzira zerekeza i Parc de Prince mu ikipe ya Paris Saint Germain(PSG) yo mu bufaransa.
Amakuru dukesha Sky Sports aravuga ko nyuma yo kwitwara neza mu ikipe ya AS ROMA yo mu butaliyani yatoje kuva mu mwaka ushize wa 2021 Mourinho ashobora kuba umusimbura mwiza wa Mauricio Pochettino wa PSG.
Pochettino yahawe buri kimwe, agurirwa abakinnyi bakomeye nka Lionel Messi, yahembwe neza bishoboka asabwa gutwara Champions League nk'igikombe kiruta ibindi i Burayi gusa byaje kuba iyanga muri uyu mwaka usoje w'imikino agaragaza umusaruronkene.
Ikipe y'i Paris kuri ubu ihagaze neza mu bukungu irashaka kuyobira amakipe yose y'i Burayi ku bubi na bwiza ari byo biyisunikira ku ukuba yasimbuza umutoza cyane ko abakinnyi bayo imbere n'inyuma ari bo bafatwa nk'abeza no ku isi.
Isinya ya Nasser El-Khelaifi uri mu biruhuko niyo ibura ngo Pochettino yigendere kuko iyi kipe yamaze kuganira n'uyu munya-Portugal watoje amakipe nka Chelsea,Real Madrid,Inter Milan,Man. Utd na AS Roma arimo ubu kandi yose akayahesha ibikombe.
Jose Mario Dos Santos Mourinho Felix ushobora gutoza PSG
Bimwe bita gushakira ubwinshi mu mazi sibyo PSG ikoresha kuko ifite amata ahagije ahubwo benshi babirebera hirya bavuga ko umushumba ariwe kibazo, nta wundi utungwa agatoki uretse uyu munya-Argentine Mauricio Pochettino ushobora kwerekwa umuryango isaha iyo ariyo yose.
Mauricio Pochettino utoza PSG
Ku rwego ari ho n'ibigwi bye bitari byinshi, biri mu bituma atabasha kugira ijambo ryijyana nk'umutoza cyane ku bakinnyi nka MESSI,NEYMAR na Mbappe bakoze amateka adasanzwe kuri uyu mubumbe.
MESSI, NEYMAR na MBAPPE mu byishimo
Mourinho nk'umwe mu batoza beza ku isi cyane ko kugeza ubu nta gikombe na kimwe ataratwaraho, ni umwe mu batekerezwa n'abayobozi b'iyi kipe yambara VISIT RWANDA.
MESSI n'abandi mu myambaro ya Visit Rwanda
