ABAKINNYI 7 BAHIZE ABANDI MU BITEGO KUVA 2017/2018 MURI PREMIER LEAGUE.
Tugendeye ku mpuzandengo y'uburyo ba rutahizamu bagize uruhare mu bitego by'amakipe bakinira, KALISIMBI yaguteguriye abakinnyi 7 bakina ku ruhande rw'ubusatirirzi bitwaye neza kurusha abandi kuva muri 2017/2018.
sammy16
Shampiyona y'umupira w'amaguru mu bwongereza PREMIER LEAGUE ni imwe mu ziyoboye kuri iyi si ya Rurema bamwe batanatinya kuvuga ko ari yo ihatse izindi.
Tugendeye ku mpuzandengo y'uburyo ba rutahizamu bagize uruhare mu bitego by'amakipe bakinira, KALISIMBI yaguteguriye abakinnyi 7 bakina ku ruhande rw'ubusatirirzi bitwaye neza kurusha abandi kuva muri 2017/2018.
Ni urutonde ruyobowe n'umunyAfurika kabuhariwe mu kunyeganyeza inshundura MOHAMED SALAH wa Misiri ukinira ikipe ya LIVERPOOL FC. Kuva muri Season ya 2017-2018 yatinze ibitego 118 atanga imipira ivamo ibitego izwi nka Assists 46.
Mohammed Salah nyuma yo guhembwa nk'uwitwaye neza kurusha abandi
Ku mwanya wa 2 turahasanga umwongereza HARRY KANE ukinira Tottenham rutahizamu wayogoje amakipe muri iyi shampiyona y'iwabo, yatsinze ibitego 105 atanga imipira ivamo ibitego 31.
Hueng-Min Son umunya-Korea y'epfo nawe ukinira Tottenham aza akurikiye mugenzi we ku mwanya wa 3 ariho nyuma yo gutsinda ibitego bigera kuri 75 ariko akagira umwihariko wo gutanga Assists cyane ko yatanze imipira 39 yavuyemo ibitego.
Harry Kane na mugenzi we Hueng-Min Son bishimira ibitego batsinze.
Umwirabura Raheem Sterling ukinira Manchester City aza ku mwanya wa 4 nyuma yuko yigaragaje atsinda ibitego 78 na Assists 34 ku mpuzandengo ya 112 kuva muri 2017-2018.
Raheem Shaquille Sterling Mbe muri 7 batsinze ibitego byinshi
Igiteranyo cye kingana ni icya mugenzi we Jammie Vardy bakinana mu ikipe y'igihugu y'abongereza ariko we agakinira Leicester City, nubwo bahuza impuzandengo y'uburyo bagize uruhare mu bitego byo muri shampiyona, rutahizamu Vardy we yatsinze ibitego 91 batandukanira kuri Assists kuko we yatanze 21 zonyine bimushyira ku mwanya wa 5.
Jammie Vardy umwongereza
Umubiligi udashidikanywaho Kevin De Bruyne ukinira Manchester City aza ku mwanya wa gatandatu mu beza kuko yatsinze ibitego 44 ariko yihariye cyane mu gutanga imipira ivamo ibitego 58 yose igiteranyo cy'ibitego yagizemo uruhare kikaba 102.
Kevin De Bruyne ukinira Man. City
SADIO MANE umunya-Senegal witegura guhura n'AMAVUBI niwe uza ku mwanya wa 7 kuri uru rutonde,yatsinze ibitego 77 atanga Assists 24 biri ku giteranyo cy'umubare 101 w'ibitego yagizemo uruhare kuva mu mwaka wa 2017-2018.
SADIO MANE muri 7 batsinze byinshi mu myaka itanu ishize
Urutonde rw'abakinnyi basatira bitwaye neza kurusha abandi kuva 2017-2018 muri shampiona y'abongereza.
