Ikipe ya AS KIGALI Yegukanye igikombe cy'amahoro PEACE CUP 2022.
sammy16
Ikipe ya AS KIGALI yunze mu rya bashiki babo yegukana igikombe cy'amahoro itsinze APR FC igitego kimwe ku busa.
Wari umukino w'ishiraniro watangiye bigaragara ko uza kuryohera ijisho kuko abakinnyi ku mpande zombi bari banyotewe cyane no gutsinda igitego ku bubi na bwiza.
Ku munota wa 29 n'amasegonda 54 Kalisa Rashid ukinira AS KIGALI yayitsindiye igitego cyayihesheje intsinzi yishimiwe bikomeye n'abanyamujyi bararanye iki gikombe cya PEACE CUP 2022.
APR FC yagerageje uburyo bushoboka bwose ngo yishyure igitego ndetse irenzeho ikindi biba nka ya mahembe y'imbwa yabuze burundu,abafana batangira gutaha bimyiza imoso.
Rutahizamu SUGIRA ERNEST wari umaze kwinjira mu kibuga asimbuye yaje guhindura ibintu ku munota wa 82 n'amasegonda atera ishoti riremereye mu izamu umupira ukubita ku mutambiko waryo widunda mu murongo hasi usubiye hejuru Ishimwe Pierre aba arawufashe.
Buri wese ufana AS KIGALI yahise abara igitego ariko umusifuzi aracyanga yemeza ko umupira wose utarenze umurongo induru ziravuga abafana ntibavuga rumwe.
Iminota 90 yarangiye umusifuzi yongeraho 3 umukino urangira Cassa Mbungo ashimira iyamuhanze imuhesheje igikombe yari afitiye inyota idasanzwe, Kalisa Rashid aterurwa nk'umucunguzi.
Cassa Mbungo ashimira Imana
