DORE UKO REAL MADRID IHISE IBIKA IGIKOMBE CYA 14 CYA CHAMPIONS LEAGUE.
Real Madrid FC yagukanye igikombe cya Champions League ubugira kabiri inyagira Liverpool FC yo mu bwongereza ku gitego kimwe gikanda aahababaza ku bafana n'abakinnyi.
sammy16
Real Madrid FC yagukanye igikombe cya Champions League ubugira kabiri inyagira Liverpool FC yo mu bwongereza ku gitego kimwe gikanda aahababaza ku bafana n'abakinnyi.
Intambara hagati y'abafana no guterana amagambo nibyo byaranze abafana hagati y'aya makipe yombi akomeye y'i burayi mbere y'uyu mukino.
Igitego kimwe cy'umwirabura ukinira iyi kipe yo muri esipanye witwa Vinicius Junior nicyo cyatandukanyije impande zombi birangira abongereza bimyije imoso.
Vinicius Jr uhesheje igikombe Real Madrid
Ntibyari byoroshye na gato kuko ku munota wa 43 rutahizamu Benzema yatsinze igitego ariko uburyo bwa VAR bwifashishijwe nticyabarwa birangira ari ubusa ku busa mu gice cya mbere.
Los Blancos ku kabyiniriro k'iyi kipe ituruka mu bwami bw'i Madrid ntiyagaragaje umukino mwiza cyane kuko Liverpoool yakije umuriro imbere y'izamu ndetse abataka nka Salah bagerageje uko bashoboye ariko birangira batashye amara masa.
Amacenga amashoti kuva umukino utangiye i saa z'ijoro mu bufaransa byari byose mu kibuga buri imwe ihigigira gutahana igikombe.
Igikombe cya 14 mu mateka ya Real Madrid FC nicyo cyari ngombwa kuri bo bahatana butwari birangira bagitwaye.
Ku gitego kimwe rukumbi Iyi kipe yongeye kubabaza bishengura imitima y'abafana ba Liverpool FC ubugira kabiri kuko ubushize byari mu mwaka wa 2018 none byongeye muri uyu mwaka wa 2022 indirimbo ya 'Hala Madrid' yongera kuririmbwa mu majwi y'urufaya nyuma yo guca mu nzira y'inzitane.
Inzira igoranye Real Madrid yanyuzemo
