CRISTIANO AGITSINDA ICYA 700 YAHINDUYE IMIBARE.
![CRISTIANO AGITSINDA ICYA 700 YAHINDUYE IMIBARE.](https://kalisimbi.com/uploads/images/2022/10/image_750x_63444cb6a0f2d.jpg)
Rutahizamu kabuhariwe Cristiano Ronaldo yaraye yesheje agahigo katakozwe n'undi uwo ari we wese.
Hari mu ijoro ryacyeye ubwo ikipe akinira ya Manchester United yisengereye EVERTON iyivutura ibitego 2 kuri 1.
N'ubwo byabanje gusa n'ibihindura isura ku munota wa 5' w'umukino IWOBI anyabika Man. United igitego cyaje kare,uwitwa Antony yanyeganyeje inshundura ku munota wa 15' gusa yishyura nyuma nyiribitego RONALDO ntiyatinzamo guhesha amanota 3 ikipe ye atsinda icyamuhinduriye ubuzima ku munota wa 44'.
Imibare yahise ihinduka kuko uyu mugabo w'imyaka 37 yari yanditse igitego cya 700 yatsindiye amakipe yose yanyuzemo, biba ukugaruka kwiza kuri we kuko hari haciye kabiri atagaragara mu kibuga aho yari yatangiye no kwivumbura atishimye.
Soma; https://www.kalisimbi.com/cristiano-yivumbuye-arashaka-gukina
CRISTIANO Ronaldo mu mateka ye amaze gutsindira Manchester abarizwamo ibitego 144, yatsinze ibitego 450 ari muri Real Madrid, Atsinda 101 ari muri Juventus mu butaliyani mu gihe aho yamenyekaniye bwa mbere muri Sporting Cp uwahoze ari umutoza wa Man. United, Sir Alex Firguson yamukuyeyo rugikubita atsinze ibitego 5.
Yagiye atsinda ibitego mu minota inyuranye y'umukino byumwihariko gutungurana mu minota ya nyuma nibyo byamugize igihangange yemerwa n'isi yose.
Hagati y'umunota 1 na 15 yatsinzemo ibitego 88, hagati y'iminota 16-30 atsindamo ibitego 109, iminota y'umukino iri hagati ya 31 na 45 ho yatsinzemo ibitego 115.
Mu gice cya kabiri, Hagati y'iminota 46 y'umukino na 60 yatsinze ibitego 109 naho hagati y'iminota 61 na 75 anyabikamo 114, aho yigaragaje cyane ni mu minota ihera y'umukino 76-90 yanyeganyeje inshundura inshuro 159 kongeraho ibitego byo mu minota y'inyongera 6 mu mateka ye.
Uko yatsinze ibitego mu myaka itandukanye kuva 2002-2003 kugeza ubu 2022-2023