THE CLASS LOVE SEASON 02 EPISODE 10
Ntagutinda rero murabizi ko duherukana Gaston, Philippe na Chance bafungiranywe mu biro bya Discipline master nyuma yo kujya kureba uko Linda ameze kuko yari yavunitse cyane, Betty we yari afatiranye Discipline master amwiha wese adasize n'umubiri we. Ba Gaston se barasohoka hariya bate?....
sammy16
0
THE CLASS LOVE
SEASON 02
EPISODE 10
**********************************************
Muri aka kanya,uyu munota,izi saha mbere yo gusoma iyi nkuru banza Ushime IMANA yakuremye ikiguhaye ubuzima ukaba ukiriho n'ibibazo byose ugenda unyuramo ni iby'agaciro gakomeye kuko byose ni Ubuntu bwa Rurema.
Ntagutinda rero murabizi ko duherukana Gaston, Philippe na Chance bafungiranywe mu biro bya Discipline master nyuma yo kujya kureba uko Linda ameze kuko yari yavunitse cyane, Betty we yari afatiranye Discipline master amwiha wese adasize n'umubiri we.
Ba Gaston se barasohoka hariya bate?........Linda se we arakira iriya mvune?.....Betty ufatiranye Discipline master se byaba bifite mpamvu ki?.........Philippe ko duherukana ashaka kuvuga uwo akeka Uri inyuma y'izo ntugunda zose,yaba yaravuze nde?............
Komeza wiyumvire nawe wisomere uko iyi nkuru yagenze...............
Philippe uko yarimo ababwira ibyo ari byo byose hari umukobwa akeka kandi anabyemeza,Gaston na Chance bari biteguye kumwumva ngo bumve izina rimuva mu kanwa ryaba ryarakoze ayo mahano yo gushaka kwica Linda amuziza amaherere,gusa Chance we yari afite ubwoba tutazi icyabuteraga.
Philippe: "ibyo mvuga kandi mbihagazeho njyewe ndakeka umukobwa umwe kandi namwe murasanga koko mumukeka."
Gaston: "Ese watubwiye man ko ntabirenze natwe twamukeka erega..."
Philippe: "birashoboka cyane gusa ikijya kimbabaza ni uburanga afite burangaza abatazi umutima we."
Gaston: " ibyo ntibizagukange man umukobwa uko yaba ari mwiza kose inyuma ntabwo biba bivuze ko ari nako asa kumutima. "
Chance: (mu ubwoba bwinshi ariko buvanze no kwihagararaho)"ariko se wamuvuze tukiyumvira ko wenda wasanga ariwe natwe dukeka."
Philippe: "Umukobwa nkeka kandi 100% nanabihagararaho......Ni Betty."
Gaston: "NGO IKI?" (amureba ubona ko bimutunguye)
Chance: "ahaaa nanjye niwe nkeka pe!!!"
Philippe: " ko mbona bisa n'ibigutunguye se?"
Gaston ahita ajya hirya yabo nta numwe areba bose abateye umugongo arahagarara aratekereza cyane, muri ako kanya Philippe na Chance batungurwa n'uko babonye inyifato idasanzwe kuri Gaston kuko yari ahise ahinduka mu kanya bwanya,ubona ko kandi bitanamushimishije.Philippe na Chance bararebana bibaza ibibaye.
Kurundi ruhande Muganga amaze gutunganya ibikoresho bye ku umurongo ngo ajye kuryama kuko amasaha yari akuze,Linda we akiryamye aho amureba kuri buri kimwe akoze, Muganga agiye kumusezera,Linda amusaba ikintu kimwe gusa...
Linda:"Muga.... Mbere yuko ugenda hari ikintu kimwe nshaka ko tuvuganaho ukagira icyo umfasha."
Muganga: (araza aramwegera)"Ngufashe iki se mukobwa wanjye? "
Linda:"ngirango uranzi neza bitewe n'ibyagiye bimbaho mu minsi ishize,..."
Muganga: "Yego ndabizi"
Linda: "Nakundanye n'umusore hano ariko ntitwigana ndamurusha amashuli kandi twakundanye kera gusa bitewe n'ibibazo nagiye mutera nkeka ko aribyo byamugize nabi uko ari ubu n'ubwo yampemukiye ariko nawe siwe."
Muganga: (atangare)"Hmm!!!!! None se ko uvuga ibyo byose... Simperuka uriya mwana w'umuhungu wakuzanye hano siwe mperuka mukundana?"
Linda: "yego niwe"
Muganga: "None se ntimwigana?....ikindi se yaba yaraguhemukiye akagira impuhwe zo kuguterura akakuzana hano?"
Linda: (arebe hejuru yabuze icyo avuga yitsa imitima) "Muganga rero byose urabizi ko mwabimenye umunsi ahohoterwa na Animateur arijye azira"
Muganga: "cyane rwose ariko ibyo ntibyabuza abakundana gukundana kuko urukundo ntirutana n'ibigeragezo cyane nkamwe muba mukiri kuri rwa rwego rwo kutigenga."
Linda: "akimara gukira rero wagira ngo bari bamuhaye umutima wo kunyanga,kuko yahise anabinyereka ubwo yahitaga akundana n'undi mukobwa wanamugomesheje cyane bigatuma abura n'amanota yo kwimukira muwa gatandatu nkatwe twese,ntukeke ko bwari uburwayi kuko Gaston ni umuhanga utari busibizwe no kurwara."
Muganga: "Yoooo Ese mama niko byagenze? Yeah ndabyumva cyane kuko burya iyo mu umutwe byicanze byose usanga byanze."
Linda :"kuva ubwo rero nibwo twongeye guhura nabwo duhujwe n'ibi bibazo bimbayeho kuko niwe wangezeho mbere y'abandi aranterura anzana hano ubwo nari nabuze kiramira,gusa ubutwari yanyeretse nabonye ko ashobora kuba akinkunda ndetse nuko ajya yitwara,none ndashaka ko ungira inama,Ese koko mubabarire yongere aze mu ubuzima bwanjye kandi igihe twabanye cyose nta cyiza twabonyemo."
Muganga: "mbere y'ibindi byose rero icyo ukwiye kuzirikana ni uko burya urukundo rutabura ibigeragezo uko byaba biri kose nanjye nabiciyemo ndabizi kuko umusore twakundanye nyuma akaza no kumbera umugabo nawe iwabo n'iwacu ntibumvikanaga byatumye tuva iwacu buri wese turabahunga,ariko urukundo rwacu rurakomera rushinga imizi birangira rweze n'imbuto arizo bana bacu ubu tubyiruye,ikindi ni uko burya ugomba kumenya ko buri wese ashobora kugira ubutwari kenshi kabone n'iyo yaba abikorera uwari umwanzi we gusa kugira ngo agaragare neza mu abandi akenshi akanabikora atabikunze,rero mukobwa wanjye buri wese uguteruye si uko aba agutegereje kandi buri wese ukurebye siko aba akwitegereje,uranyumva?"
Linda:(nyuma yo kumva ibyo abwiwe bimushyira mu urujijo)" Yego ndakumva,ariko hari ikibazo mfite noneho cyanyuma."
Muganga: (ahite amuca mu ijambo)"oooh so sorry reka tuze kubiganiraho mu gitondo kuko ubu ndananiwe cyane ngirango urabizi ko mba nahereye mu gitondo ntaruhuka,wihanganeeee kandi ibyo ntunabitekerezeho cyane ngo wirushye utekereza n'ibidakwiye gutekerezwa."
Linda atabishaka ariko ntakundi yabigenza aremera Muganga aragenda.
Discipline master we kumbi yabonye atari burye neza imboga zari zamwizaniye,atitaye kubo yasize mu biro bye,yahise ajyana Betty aho yararaga aba ariho amukorera ibyo amukorera byose, bamaze gukora ibyo bakora,barasohoka gusa Betty afite isoni zidasanzwe,Discipline master ashaka ko amuherekeza akamujyana muri dortoir kugira ngo hatagira ukeka ibyabo.
Discipline master: "Nicyo gihe rero reka nguherekeze ujye kuryama muri dortoir hatagira ukubaza iyo waraye muri bagenzi bawe."
Betty: "Oya jye nifitiye ubwoba pe,none se ko ntawe umbaza,waretse nkarara ahubwo nkagenda bugiye gucya." (Ibyo yabishakaga kuko yari azi ko Discipline master yasize afungiranye ba Gaston muri bureau ye,yifuzaga ko bagumamo bakahahangayikira ijoro ryose)
Discipline master: (yambara ipantalo neza n'inkweto)"Oyaa byuka nkujyane ejo bitazamenyekana ko twararanye hano ibyo byo sinabikira."
Betty akomeza gushaka kwanga ariko Discipline master nawe ntiyamukundira bakomeza guhariirana aho ngaho.
Gaston we na Philippe noneho hagati yabo rwabuze gica kuko hari icyo batumvikanagaho neza.
Gaston: (ahindukira abareba noneho,abavuga mu mazina yabo)"Philippe... Chance.... Ndagira ngo mbamenyeshe ko inyanja mwatekerezaga kuroberamo yakamye,ubusitani mwashakaga gutembereramo bwamaze gushya ntibugihari,mbibutse ko kandi umuhanda mushaka kugenderamo wamaze kurengerwa n'amazi kuko cya kiraro mwashoboraga kwambukiraho cyo tayali cyaridutse(ibyo byose abivuga yitonze ntawe umusubiza bamuteze amatwi gusa)......Ntacyo ntavuze."
Philippe: (aratangara)"ubwo se ushatse gusobanura iki ?"
Chance: "Nanjye binyobere."
Philippe: "Gaston ubwo wowe ibyo uvuze wabisubiramo?"
Gaston: "cyane rwose, urashaka ngo ngusubiriremo ibyo mvuze?"
Philippe: "n'ushaka ubisubiremo,ahubwo se ubwo ayo magambo yose uyavuze kuko mvuze ko nkeka ko ari Betty wakoze ariya mahano?"
Gaston: "wakabimenye?!!!"
Philippe: "hhhhhh (asekamo) ariko Gaston wagiye ureka?..kuko se ubonye ko Betty ariyo ntungane ya mbere muri iki kigo cyangwa iki gihugu?"
Gaston: "Ntumbaze byinshi." (Arakaye)
Philippe:"njyewe ariko niwe nkeka kandi uvuze ko nyir'urugo yapfuye siwe uba umwishe."
Gaston: (akubita ikiganza ku meza n'umujinya mwinshi) "Ntibishoboka!!!"
Chance: (arikanga)"Ayiwee!!!"
Philippe: "hhhhhh (amuseka cyane) ariko noneho urimo kudukinira ikinamico?"
Gaston:"Ngo iki?"
Philippe: "ni ukuri si gusa kuko ndabona bidasanzwe,erega nubwo yaba ari umukunzi wawe ntabwo byamubuza gukora amakosa cyane ko yaba ashaka no kwihimura kuri wa wundi wawe wa mbere birumvikana rwose, sibyo rata Chance?"
Chance: "cyane"
Gaston: "uretse no kwica umuntu,... Uranyumva neza?....Betty ntiyashobora no kwica urushishi rwigendera."
Philippe: "Hhhhhhhhhhh (araturika araseka cyane atitaye ku kuba ijoro rijigije)"
Gaston: "uraseka"
Philippe: "Yewe reka nisekere ukuntu wari umaze kutubwira ko ntawe utakosa uko yaba ari kose ariko ukaba ubyihindutse,hanyuma se ra niyo mpamvu uvuze biriya bigambo byose?"
Gaston: "Ngo ibigambo?" (Ahita arushaho kurakara)
Philippe: "ibyo bigambo mu kanya uhurutuye nk'ibyabagombozi"
Gaston: "ibigambo ni ibyawe wa gicucu we!!!"
Muri ako kanya Gaston aba aramututse bimwanga mu nda aramusimbukira baba bafatanyemo Chance biramucanga yibaza kuvuza induru muri iryo joro biramuyobera,ashaka kubakiza biramunanira,Gaston n'amahane menshi akubitagura ingumi n'imigeri myinshi Philippe nawe yishyura agerageza kwirwanaho biba induru,hasi hejuru bibarangura mu biro by'abandi ibikoresho bimwe biragwa ibyari ibiro by'umuyobozi ushinzwe imyitwarire bihinduka irwaniro rizira imyifatire mizima.
Intambara irarota ya ruri hasi ruri hejuru mbese ari mpangara nguhangare,nkubita nkwishyure uboshye ari ibishya amwishyura bitari ugushyamirana.
Muri ako kanya bakirwana Discipline master aba akubise urugi yinjira asanga ibintu si amahoro yirukankira kubakiza,Philippe ariwe Uri hejuru ya Gaston,Chance we yumiwe yabuze uko abyifatamo kuko yajyaga kubakiza Gaston agahita amukubita umugeri ngo abareke.
Discipline master akibakiza,Gaston amashagaga akiri yose gusa Philippe we yiturije yitunganya imyenda kuko bari banduye,ishati ya Gaston yacitse,Discipline master arabatonganya cyane ababaza icyo bapfa bose bitana ba mwana ariko Gaston akajya ashaka guca inyuma ya Master ngo byibura akubite umugeri Philippe ariko bikanga,Discipline master abonye bitoroshye ahita asohora Philippe na Chance asigarana na Gaston wenyine gusa bamaze gusohoka ahita yongera guhamagara Chance.
Discipline master: "Chance wowe garuka hano,...(Chance agaruka).....mbwira muri make uko byagenze,ni iki giteje iyi mirwano muri iki gicuku?"
Chance: "master biragoye kubisobanura Pe,kuko Nagiye kubona mbona bombi barafatanye ntazi impamvu."
Discipline master: "Oya oya oyaa Ntibishoboka ko abantu b'abasore basanzwe bahuza urugwiro barwana nta mpamvu, nawe usigaye warize kubeshya?"
Gaston yatuje cyane noneho amahane yamukamyemo ahubwo isoni ari zose yubitse umutwe areba hasi atekereza ibibaye.
Chance abwira Discipline master uko byagenze byose maze aramusohora.
Discipline master: "Okay niba ari uko byagenze hari ugomba guhanwa kandi agahanirwa ibyo yakoze,kwanza byose ari ibyabaye kare kuri Linda cyangwa se andi mafuti yose ndayamubaraho,bigaragare ko hari icyo yari ahishe,kandi muri mwe uko muri batatu namaze kumenya ubiri inyuma ntawundi keretse hagati yanyu,sohoka ube uhagaze hanze mbanze mvugane na Inshuti yanyu hano indwanyi cyane, ndaje nguherekeze kuri dortoir uryame ibyanyu nzabikemura ejo kandi mfite uko nzabikemura."
Chance arasohoka ahagarara hanze ariko ahasanga Philippe akihahagaze,ahita amucira amarenga yo guceceka bava ku itara,bigira hirya gato Philippe agira icyo amukorera tutamenye cyatumye,Chance ahita agaruka mu kanya gato yihanagura amarira.
Gaston wari ufite isoni Chance agihari,zahise zimushiramo ahagarara yemye imbere ya Discipline master, barebana ay'ingwe iminota ntawe uvugisha undi maze Master ahita afata imfunguzo zari hafi aho ku meza,aramubwira.
Discipline master: "wowe ndaje twibonanire!" (Yikarumye cyane)
Gaston: "hhhhhh (amuseka) ubonana nande?"
Discipline master: "nawe"
Gaston: "icyo nzicyo uravoma bihita."
Discipline master: "okay ndaje tubibone."
Discipline master ahita asohoka akubitamo urufunguzo amusiga amufungiranye,Ageze hanze abona Chance arasa n'uwari urimo kurira amubajije,Chance amubeshya ko ari ukubera ibyo bibazo byose, amwiteteshaho kuko yari azi ko ntacyo amutwara kuko yari mwene wabo.
Aramufata aramuherekeza gusa batarareranga umutaru
ako kanya bahita bumva....................................
EPISODE 11 izaza ejooooo On the way..............
Kora SUBSCRIBEE kuri iyi website wibuke na SHARE kugira ngo ujye ubona ibindi bice bikoroheye.
Ese Discipline master na Chance bumvise iki?........Linda se azagirwa nama ki?.....Betty icyo ashaka bizashyira akigezeho se?.......Ukuri kuzajya ahagaragara ryari?.......Umubano wa Gaston na Philippe se uzakomeza ?...........
NTUZACIKWEEEEEE
Mukomeze mugire impera z'icyumweru nziza.
Murakoze cyane
Shaloooooooom!!!
