RWANDA: ABARENGEJE IMYAKA 18 BASABWE KWIKINGIZA COVID19 DOZE YA 2 ISHIMANGIRA.
sammy16
Kuri uyu wa 13 Kanama 2022, Minisiteri y'ubuzima yakanguriye abanyarwanda bose bamaze amezi 4 bikingije urukingo rwa mbere rushimangira kandi bari hejuru y'imyaka 18 kongera kwikingiza urwa 2.
Ibinyujije ku rubuga rwa Twitter, mu kigo gishinzwe ubuzima mu Rwanda kizwi nka RBC cyatangaje ko kwikingiza byuzuye ari byo bishobora kudatuma umuntu azahazwa bikomeye bifasha umubiri wa muntu kwirwanaho.
Mu nyandiko igira iti "N'ubwo haza indi nkubiri y'ubwandu bwa COVID19 igasanga dukingiye byuzuye ntabwo yashegesha Igihugu cyacu. Niba hashize amezi nibura 4 uhawe doze ya mbere ishimangira ihutire kuri site y'ikingira ikwegereye uhabwe iya 2 ishimangira."
Hari hashize igihe benshi bikingije urukingo rwa COVID19 rwa mbere rushimangira mu rwego rwo gukomeza guhashya iki cyorezo kizanwa na Virusi ya CORONA.
Imibare y'abandura yari yaragabanutse ndetse icyizere cyo kubaho cyongera kugaruka bisa naho intsinzi igezweho icyorezo kirimo gitsinsurwa buhoro buhoro nk'uko buri wese mu kwirinda yiyemeje.
Byaje kugaragara ko hari ibihugu bimwe na bimwe nk'Ubushinwa aho iyi Virusi yaturutse ko imibare y'abandura COVID19 n'abo ihitana yongeye kuzamuka biba ngombwa ko hashyirwaho urundi rukingo rufasha umubiri gukomeza guhangana.
U Rwanda rwafashe iya mbere mu gukomeza gusigasira amagara y'abarutuye, rutumiza izindi nkingo zifasha abantu bazaziterwa kugira ubudahangarwa.
Dr. Mpunga Tharcisse, umunyamabanga muri Minisiteri y'ubuzima, yavuze mu minsi ishize ko kugira ngo hemezwe urukingo rwa 2 rushimangira byatewe n'uburyo Virusi ya Corona ikomeza kwihinduranya bigatuma ihindura ubusa inkingo zakozwe hagendewe kuri vvirusi ya mbere.
Umunyamabanga muri Minisiteri y'ubuzima, Dr. Mpunga Tharcisse.
Ku ikubitiro haherewe ku basheshe akanguhe bahabwa iyi Doze ya kabiri ishimangira, kuri ubu urubyiruko cyane n'abandi bari hejuru ya 18 barasabwa kugana aho bikingiriza.
