RIB IFASHE UMUKOZI WAYO UKOMEYE UKEKWAHO RUSWA.
sammy16
Ni umwe mu bari bashinzwe iperereza mu mujyi wa Kigali watawe muri yombi n'urwego rw'ubugenzacyaha mu Rwanda RIB yakoreraga.
NTABWOBA Kabayiza Patrick Arakekwaho kwaka no kwakira indonke, kwihesha ikintu cy'undi yitwaje ububasha yari afite mu nyungu ze bitandukana kure n'inshingano yahawe.
Pronvicial Chief Intelligence, PCI Kabayiza, Yari ashinzwe iperereza ku byaha bikorerwa muri Kigali bigamije gutahura no gukumira ibyaha bitandukanye bitaraba.
Umuvugizi wa RIB , Dr. Murangira Thierry yatangaje ko ibyaha PCI Kabayiza akurikiranyweho byose byakorewe mu mujyi wa Kigali.
Dosiye ye igiye guhita ijyanwa mu ubushinjacyaha nabwo nyuma yo kuyisuzumana ubushishozi buzamuregera urukiko haburanwe urubanza kuri ibi byaha akekwaho.
Dr. Murangira Thierry yongeye gukebura abantu ko nta muntu n'umwe uri munsi y'amategeko bityo hakwiye kwirindwa icyaha n'igisa nacyo kuko uzahirahira kugikora azabiryozwa.
PCI NTABWOBA Kabayiza Patrick aramutse ahamwe n'icyaha cyo kwihesha ikintu cy'undi hakoreshejwe uburiganya yahanishwa igifungo cy'imyaka itari munsi 2 ariko itarenze 3 n'ihazabu ya 3000000Rwf ariko itarenze 5000000Rwf nk'uko biteganywa mu ngingo 174 y'itegeko Numero 68/2018 ryo ku wa 30 Kanama 2018.
Nk'uko kandi Biteganywa n'Ingingo ya 4 y'itegeko Numero 54/2018 ryo ku ya 30 Kanama 2018, uregwa aramutse ahamijwe icyaha cyo kwaka,kwakira no gutanga ruswa ahanishwa igifungo kitari munsi y'imyaka 5 ariko kitanarengeje imyaka 7, agacibwa n'ihazabu y'amafaranga 3000000Rwf ariko atarenga miliyoni 5.
