Hon. John AKATIWE GUFUNGWA IMYAKA 67.
sammy16
Muri Repubulika ya Kenya, urukiko rukuru rwanzuye ko Hon. John Waluke usanzwe ari umudepite mu nteko nshingamategeko afungwa imyaka 67 cyangwa akishyura akayabo.
Kuri uyu wa 06 Ukwakira 2022 nibwo Ibi umucamanza yabyemeje nyuma yo gusanga ubujurire bw'uyumudepite nta shingiro bufite ku cyaha cyo kunyereza umutungo wa leta yahamijwe mu myaka 2 ishize ku ya 20 Kamena 2020.
Amakuru aturuka i Nairobi avuga ko Icyaha aregwa yagikoranye na Grace Wakhungu Sarapay hagati yo muri 2009 na 2013,Dosiye ya Bombi ikaba yubuwe.
Waluke na Wakhungu bazira kuba barishyuye mu buriganya amashilingi angana na Miliyoni 313 Ksh Kompanyi yitwa Erad Suppllies & General Contracts Limited yagombaga gutanga toni 40,000 z'ibigori ku kigo cya Leta NCPB[National Cereals and Product Board]
Muri izi toni z'ibigori zagombaga koherezwa, habe n'intete y'ikigori na kimwe yageze muri iki kigo cya leta, ibi byabaye kandi kubera ko Jacob Juma wari uhagarariye iyi kompanyi ya ERAD yagaragaje intege nke n'ubushobozi hafi ya ntabwo bwo kohereza ibyo biribwa kandi bari baratsindiye isoko nabwo mu buryo buriganyije muri 2004.
Umucamanza mu rukiko rukuru rwa Kenya, ESTHER MAINA yemeje ko umwanzuro wafatiwe Hon. John WALUKE atari igihano kihanukiriye kandi ntagukabya kurimo kuko byanditse mu mategeko.
Hon. John Koyi Waluke agomba gufungwa imyaka 67 cyangwa agatanga ihazabu y'amashilingi angana na 727,000,000Ksh mu gihe Grace Wakhungu we yahanishwa gufungwa imyaka 69 cyangwa akishyura asaga 707,000,000Ksh.
Bombi bemerewe kujuririra iki cyemezo na none mu gihe cy'iminsi 14 bitaba ibyo bagahanwa nk'uko amategeko abiteganya hakurikijwe ibihano umucamanza yagennye.
Depite Waluke ahagarariye agace ka Sirisia gaherereye mu ntara ya Bungoma, yatorewe uyu mwanya mu nteko ishinga amategeko muri Kanama y'uyu mwaka wa 2022.
