RDC: ADF YISHE ABANTU 20 HAKOMEREKA BENSHI BASHIMUTWA.
sammy16
Bikomeje gukomera muri Repubulika iharanira demokarasi ya Congo ibitero by'inyeshyamba za ADF byakajije umurego abaturage bahasiga ubuzima bamwe barakomereka abandi baburirwa irengero.
Amakuru agera kuri Kalisimbi.com avuga ko Muri ibi bitero simusiga by'umutwe wa ADF(Allied Democratic Front) byabereye muri KIVU ya ruguru byahitanye abantu 20 abandi barashimutwa.
Byemejwe n'ishami ry'Umuryango w'abibumbye muri Congo Kinshasa rinahamya ko mu bahasize ubuzima harimo abarwayi 4 batwikiye mu ivuriro rihereye muri aka gace k'ahitwa i Lume.
Inzu nyinshi z'abaturage zakongotse ab'amahirwe barahunga bava mu byabo. ADF niwo mutwe uzwiho ubwicanyi bw'indengakamere muri iki gihugu cyugarijwe n'indi mitwe.
Uyu mutwe w'inyeshyamba za ADF kandi usanzwe unafitanye imikoranire ya hafi cyane n'imitwe y'iterabwoba ikomeye ku isi nka Islamic States.
Ihurizo ni ryose ku ngabo za Congo FARDC zifatanyije na MONUSCO ryo kurwanya imitwe yabazengereje.
Iherezo ry'ibi naryo rikomeza kwibazwa kuko imitwe y'inyeshyamba yitwaje intwaro yiyongera umwaka ku wundi biteza umutekano muke muri iki gihugu kiri mu karere k'ibiyaga bigari.
