PAUL RUSESABAGINA YASABIWE GUFUNGURWA BYIHUSE.
sammy16
Kuri uyu wa gatanu tariki 15 Nyakanga nibwo hacicikanye amakuru avuga ko muri Leta zunze ubumwe z'America hemejwe umwanzuro wo gusaba u Rwanda kurekura umunyapolitiki w'imyaka 68 Rusesabagina.
Uyu mugabo ugana mu za bukuru afungiye muri Gereza nkuru ya Nyarugenge iherereye i Mageragere azira ibyaha yakoze birimo uguhungabanya umutekano w'igihugu.
Hafashwe uyu mwanzuro ndetse wemejwe n'Inteko ishingamategeko ya Amerika, umutwe w’abadepite, isaba leta y’u Rwanda gufungura byihuse Paul Rusesabagina kubera impamvu bise iyo kurengera uburenganzira bwa muntu akwiye.
Mu isomwa ry'urubanza Rusesabagina atigeze yitabira, yakatiwe igihano cyo gufungwa imyaka 25 n'urukiko nyuma yo guhamwa n'ibyaha byose yaregwaga.
Abadepite babiri bo mu nteko y'Amerika, Young Kim wa California na Joaquin Castro wa Texas, bashyize uyu mwanzuro H.Res.892 mu nteko ngo uzatorwe nyuma yo kuwigaho n'abagize inteko bose.
Byashyize umunsi wo kwiga kuri uyu mwanzuro uragera, abadepite nyuma yo kuwigaho barawemeza.
Paul Rusesabagina yari umuyobozi w'umutwe w'inyeshyamba za MRCD/FLN yahamijwe ibyaha byo gushinga uyu mutwe w'iterabwoba wahungabanyije umutekano w'u Rwanda cyane mu bitero byahitanye abantu mu mwaka 2018 na 2019 i Nyabimata ho mu karere ka Nyaruguru.
Rusesabagina kandi ufite uburenganzira bwo gutura muri Amerika, yivanye mu rubanza rwe kuva rugiye gutangira, avuga ko ‘nta butabera’ yiteze mu rukiko.
SOURCE:BBC
