MANCHESTER IHAYE IKAZE ANTONY.
sammy16
Ikipe ya Manchester United imaze gutanga ikaze kuri rutahizamu kabuhariwe ANTONY wakiniraga ikipe ya AJAX yo mu buholandi, imiguze asaga miliyoni 86 z'amapawundi.
Umunya-Brazil Antony Matheus Dos Santos aje yiyunga kuri myugariro Lisandro Martinez bombi baturutse muri iyi kipe yahoze itozwa na ERIK TEN HAG usigaye atoza iyi kipe y'amashitani atukura nk'uko yiyita 'Red Devils'.
Ku munsi w'ejo hashize, uyu mukinnyi yemeye gukinira i Old Trafford anakora ikizamini cy'ubuzima aragitsinda, nyuma yaho yerekwa amateka yuje ibikombe iyi kipe y'i Manchester yegukanye.
Kuri uyu wa kabiri tariki ya 30 Kanama 2022, ni itariki atazibagirwa mu buzima bwe kuko imbere y'abafana 'Reds' yerekanywe kumugaragaro.
Yavutse ku ya 24 Gashyantare 2000 abonera izuba mu mujyi wa Sao Paulo muri Brazil, afite metero 1.74 akaba umuhanga mu kunyeganyeza inshundura aho yatsinze ibitego 31 atanga imipira yavuyemo ibitego[assists] 27 mu mikino 134, amashoti avuza ubuhuha n'amacenga adashira nibyo bimuranga mu kibuga byatnatumye buri mufana amwishimira.
