LIVE:REAL MADRID VS BARCELONA EL CLASSICO
![LIVE:REAL MADRID VS BARCELONA EL CLASSICO](https://kalisimbi.com/uploads/images/2022/10/image_750x_634c1f8385f89.jpg)
Ku kibuga cya Real Madrid CF i Santiago Bernabeu urwo Barcelona ihaboneye ntirusanzwe mu itangira.
Umunota wa 12' wonyine wari uhagije ngo Karim Benzema ababaze imitima y'abafana baturutse mu mujyi wa Barcelona.
Abasore nka Robert Lewandowski na Rafinha bagerageje kwishyura iki gitego biranga biba iyanga nyuma yo kwiyuha akuya bakora iyo bwabaga.
Uyu mukino wahuje amakipe makeba wari ishiraniro mu minota yo hagati ya 20 na 32 ba rutahizamu barwanira intsinzi ku ruhande rwa Barcelona irabura birangira ahubwo ku munota wa 35' w'umukino bibaye induru nyuma yuko Santiago Federico Valverde Dipetta yari anyeganyeje inshundura bwa kabiri kuri Real.
Igice cya mbere cy'umukino kirangiye nta nkuru basubira mu rwambariro REAL MADRID iyoboye n'ibitego 2 ku busa bwa mukeba wayo w'ibihe byose.
Santiago Federico Valverde Dipetta utsinze igitego cya kabiri
Santiago Federico Valverde Dipetta na Karim Benzema bahesheje intsinzi REAL mu gice cya mbere.
Aka kanya abakinnyi basohotse mu rwambariro aho bagiye kwesurana mu gice cya kabiri cy'umukino.
Ni iminota 45 yo kwitegaho byinshi kuri Barcelona itangiranye ingufu zidasanzwe yotsa igitutu imbere y'izamu rya REAL Madrid CF.
Abakinnyi ba REAL MADRID bahanahanye umupira bacenga bizira kwakwa umupira Ku munota wa 51' w'umukino, Benzema ashorera umupira muri ba myugariro 5 abashyira kuruhande ashota ishoti rikomeye atsinda icya 3 ariko umusifuzi asifura ko yaraririye.
Bikosowe n'abakinnyi ba BARCELONA ku munota wa 83' w'umukino ANSU FATI acenga ba myugariro ba REAL arabunyuguza atanga passe imbere y'izamu igera kuri Lewandowski nawe ahita akubita akinyuma yohereza kwa FERRAN TORRESS umuhungu anagamo byoroshye bajya mu bicu.
Real Madrid ibonye penaliti ku munota ushyira uwa nyuma nyuma y'ikosa ryari rikorewe mu rubuga rw'amahina RODYRIGO wari ukandagiwe ayitera neza ku munota wa 90' biba bibaye 3 kuri kimwe binarangira bityo.