FERWAFA IKOZE IBITANGAJE BENSHI.
sammy16
Kuri uyu wa mbere tariki 18 Nyakanga hashyizwe hanze ingengabihe y'imikino ya Shampiyona y'u Rwanda mu mwaka w'imikino utaha 2022-2023, bitangaza benshi kuko bitari bisanzwe.
Nyuma yo guterana kw'abagize akanama k'ishyirahamwe ry'umupira w'amaguru mu Rwanda, FERWAFA , uko imikino y'icyiciro cya mbere n'icya kabiri izagenda byamenyekanye.
Ntibyari bisanzwe ko abanyarwanda batera akajisho ku ngengabihe igaragaza uko amakipe yabo azahura kugeza umwaka w'imikino urangiye, kuko ari bwo bwa mbere bibaye hakiri kare.
Si imikino ya Shampiyona gusa(PNL) igaragaraho, kuko hariho n'indi mikino y'igikombe cy'amahoro PEACE CUP n'imikino ny'Afurika.
Umwaka w'imikino wa 2022-2023 uzatangira mu kwezi gutaha kwa Kanama aho ku itariki 14 hazaba umukino wa SUPER CUP uzahuza APR FC yatwaye igikombe cya Shampiyona na AS KIGALI yegukanye igikombe cy'amahoro 2022.
Biteganyijwe ko imikino yose y'umwaka utaha w'imikino izarangira muri Kamena ya 2023.
By'umwihariko Shampiyona izatangira ku ya 19 Kanama 2022 kugeza tariki 4 Kamena 2023 mu gihe igikombe cy'amahoro cyo kizatangira mu Ukwakira 06,2022 kugeza 21 Gicurasi 2023 hakinwa umukino wa nyuma.
