Birangiye ARSENAL Yisengereye LIVERPOOL.
sammy16
Umukino urangiye ARSENAL Fc itsinze ibitego 3 kuri 2 bya Liverpool Fc yakoze iyo bwabaga ariko biranga.
Ikipe ya ARSENAL FC yakiriye inatsinda igitego rugikubita LIVERPOOL FC kuri sitade Fly Emirates.
Umusifuzi agitanga umwanya ngo umukino utangire, abasore ba Arsenal bahise bahanahana umupira LIVERPOOL iribura ishiduka inyabitswe igitego cy'ikaze ku munota wa mbere.
Byari bihagije ngo ahandikwa iminota n'ibitego hiyandikemo igitego 1-0 ku munota wa 01' gitsinzwe na Gabriel Martinelli aserebura imbere y'abafana biterera mu kirere batangira kubyina intsinzi ije kare.
Kugeza ku munota wa 20', ARSENAL FC 'Abarashi' yari iri imbere VISIT RWANDA ikomeza kuririmbwa nk'intero n'inyikirizo mu mujyi wa Kigali n'i London.
Nk'uko byari byitezwe ko ibitego birumbuka buri gihe iyo aya makipe ahuye muri shampiyona y'ubwongereza 'English PREMIER LEAGUE' niko bitangiye bica amarenga, Soma; https://www.kalisimbi.com/imvura-yibitego-ihora-igwa-hagati-ya-liverpool-na-arsenal
Gabriel Martinelli
Ku munota wa 33' w'umukino DARWIN NUNEZ wa Liverpool FC nyuma yo gushushanya ikibuga ku macenga menshi n'amapasse yibye umugono ba myugariro ba Arsenal anyeganyeza inshundura.
Abakinnyi ba Arsenal bayobewe ibibaye bayobagurika bashaka aho umupira uri nyuma yo kwishyurwa igitego bari bafite nk'impamba ya vuba.
DARWIN NUNEZ
Iminota 45 y'igice cya mbere irarangiye umusifuzi yongeraho indi 5, abakinnyi ba Arsenal botsa igitutu mpaka Bukayo SAKA asonze LIVERPOOL ayikubita igitego ku munota wa 45+5'.
Bukayo SAKA utsinze igitego cya 2
Igice cya mbere kirangiye ari ibitego 2 bya Arsenal kuri 1 cya Liverpool basubira mu rwambariro kumva impanuro z'abatoza.
LIVERPOOL yishyuye igitego cya 2 ivamo ideni nyuma y'umuvuduko n'inyota bya FIRIMINO uyikuye mu isoni ku munota wa 54'
ARSENAL Isunitsemo igitego cya 3 gitsinzwe na Bukayo Saka na none ku munota wa 75' bihindura isura ikomeza kuyobora.
Iminota 90 isanzwe y'umukino irarangiye, Umusifuzi yongeraho indi 5 irinda inagera 90+7 LIVEPOOL ikigerageza kwishyura iribura bataha amaramasa.
