FARDC IGIYE KWEREKANA INYESHYAMBA ZA M23 YAFASHE.
sammy16
Imirwano ikomeye yongeye kubura rubura gica mu mashyamba y'uburasirazuba bwa Repubulika iharanira Demokarasi ya Congo.
Ingabo za leta FARDC zimaze gutangaza ko nyuma yo kwiyuha akuya zirwana n'inyeshyamba za M23 zafashe zimwe muri zo ndetse ko zigiye kwerekanwa kumugaragaro.
Irasana ridasanzwe ryabaye kuri iki cyumweru ryasize izi nyeshyamba zikubiswe inshuro nk'uko ubuvugizi bwa FARDC bwabitangaje ko bwamaze kwihimura ku banzi b'igihugu.
Itangazo ryasohowe n'ingabo za leta ryateguje abaturage ko hagiye kwerekanwa bamwe mu basirikare b'umutwe w'iterabwoba baziritswe mu migozi nyuma yo gufatwa bugwate.
Ijambo rya Lt. Col. Ndjike Guillaume Kaiko yagize ati "Hari abarwanyi ba M23 bafashwe n'Ingabo za leta. Uko mbitekereza Turaza kuberekana mukanya, gusa reka mbamenyeshe kandi ko igisirikare cyacu gihagaze bwuma mu irasaniro."
Lt. Col. Ndjike Guillaume
Iyi mvugo ye ntiyatinze kuvuguruzwa n'abavugizi ba M23 batangaje ko nta na kimwe ingabo za FARDC zirimo kwigamba zakoze ko ahubwo ari ugupfa kurema abaturage agatima katariho.
Inyandiko ya Major Willy NGOMA yacishije kuri Twitter yanditse ati "M23 ntitwigeze twakwa na milimetero zacu, bihabanye n'ibihuha bikomeje gusakazwa ku mbuga nkoranyambaga ahubwo umwanzi yahunze ntakindi yashoboye uretse gusahura abaturage."
Intambara hagati ya FARDC n'inyeshyamba z'umutwe wa M23 ikomeje kuba mbi cyane ndetse amasasu yongeye kumvikana mu ntara ya Kivu ya ruguru bikomeza gutera inkeke.
