CHRISS EAZY, BAHAVU JEANETTE NA MISS UMWIZA PHIONAH BAHATANYE MU BIHEMBO NYAFURIKA.
sammy16
Nyuma yuko bitwaye neza mu bisata byabo umuhanzi Chriss Eazy, umukinnyikazi wa Filime Bahavu Jeannette n'umwerekanamideli Miss Umwiza Phionah bari mu bahatanira ibihembo bikomeye nyafurika.
Usanase Bahavu Jeannette wamamaye bwa mbere muri filime y'uruhererekane 'CITY MAID' akaba anafite 'IMPANGA Series' nka filime ye ku giti cye yatangiye ari nayo imuhesheje guhamagarwa mu bihembo 'ZIKOMO Awards'.
Ari mu cyiciro cy'abahatanira igihembo cy'umugore witwaye neza muri Sinema ku mugabane w'Afurika mu mwaka wose 'BEST ACTRESS OF THE YEAR AFRICA'
Umuhanzi uri mu bagezweho muri iyi minsi Chriss Eazy we ahanganye mu byiciro bibiri ari byo; Umuhanzi ukizamuka mwiza[Best Upcoming artist of the year] ndetse n'umuyobozi w'amashusho y'indirimbo mwiza w'umwaka[Best Video Director of the year].
Umwiza Phionah wanabaye igisonga cya mbere cya Miss Rwanda 2020 akaba we ari mu cyiciro kizatorwamo umwerekanamideli mwiza w'umwaka[Best Female Model of the year Africa].
Zikomo Awards ni ibihembo ngarukamwaka bitangirwa mu gihugu cya Zambia mu murwa mukuru waho i Lusaka.
Si ubwa mbere ibi bihembo bihataniwemo n'abanyarwanda bafite aho bahurira n'imyidagaduro kuko umwaka ushize wa 2021 nabwo harimo abanyamakuru n'abahanzi nka DJ PHILPETER.
