BURUNDI: INGOMA ZAKORESHEJWE MU KWAMAMAZA UBUSAMBANYI.
![BURUNDI: INGOMA ZAKORESHEJWE MU KWAMAMAZA UBUSAMBANYI.](https://kalisimbi.com/uploads/images/2022/09/image_750x_63282ed5502aa.jpg)
Mu gihugu cy'u Burundi hacitse igikuba nyuma yo kubona amafoto adasanzwe aho ingoma ndangamuco zabwo zakoreshejwe nabi mu birori by'ishimishamubiri.
Iri bara ryakorewe mu birori byiswe NYEGE NYEGE bibera mu gihugu cya Uganda aho bizwi cyane mu kwamamaza ubusambanyi bitewe n'imyambarire itandukanye y'ubushotoranyi ndetse n'ibindi bikorwa by'urukozasoni.
Muri ibi birori byitabiriwe n'abaturutse mu bihugu bigize akarere hari hari ingoma n'abakaraza b'Abarundi mu kwerekana umuco wabo, bahaye rugali bamwe mu bitabiriye bagerageza kuzivuza si ugukoma rutenderi bivayo.
Aya mafoto akijya ku karubanda, Byababaje cyane leta y'U Burundi yamaganira kure uburyo izi ngoma zakoreshejwe nabi.
Ibicishije muri Minisiteri ishinzwe umuco yasohoye itangazo rigira riti " U Burundi bwamenye ikoreshwa nabi ry'ingoma ndangamuco yabwo mu gitaramo NYEGE NYEGE 2022 cyabereye muri Uganda. Minisiteri ishinzwe umuco iramenyesha abo mu gihugu n'amahanga ko itazihanganira uwo ari we wese uzakoresha nabi ibikoresho ndangamuco n'imigenzo y'u Burundi."