BASHIKUJE IMBUNDA ABAPOLISI BA CONGO BARASA ABA MONUSCO 2.
sammy16
Imyigaragambyo idasanzwe ikomeje kubera i GOMA muri Repubulika iharanira Demokarasi ya Congo imaze guhitana abatari bake mu basirikare n'abasivile ubwabo.
Leta y'i Kinshasa, imaze gusohora indi mibare mishya yerekana ko Abasivile 12, abapolisi babiri n'umusirikare umwe ba MONUSCO ari bo bamaze kuburira ubuzima mu midugararo no kwivovotera izi ngabo z'umuryango w'abibumbye.
Ubusahuzi bwo bumaze gufata indi ntera kuva ku wa mbere w'iki cyumweru ibiro by'izi ngabo za ONU muri Congo Kinshasa byasizwe byera nta gikoresho na kimwe gisigayemo babyitwariye.
Byabereye I Butembo muri Kivu ya ruguru aho abaturage bashikuje imbunda abapolisi ba Congo bihutira gutera ibirindiro bya MONUSCO barasa abapolisi 2, izi ngabo mu kwirwanaho zivugana abasivili 12 bari bari muri iki gitero.
Nubwo byabaye agatereranzamba ingabo za MONUSCO zitagikenewe n'abatuye iki gihugu, umuryango w'abibumbye wamaze gutegeka ko abakoze ibi bafatwa bagashyikirizwa ubutabera.
Antonio Guterres uyobora UN
Antonio Guterres, umunyamabanga mukuru wa ONU yihanganishije imiryango y'abasirikare baguye muri ibi bitero anatangaza ko leta y'i Kinshasa idakwiye kurebeera gusa hakwiye gufatwa ingamba ababishe bakabiryozwa.
Abaturage bo bashinja izi ngabo kubatererana aho kubungabunga amahoro nk'inshingano zahawe, bibaza igituma amaraso y'abanye-Congo akomeza kumeneka nyamara hari abitwa ko bakabarindiye umutekano batagira icyo bakora batabara.
