LIONEL MESSI AHINDUTSE ICIRO RY'IMIGANI.
sammy16
Byaciye igikuba nyuma yuko umukinnyi w'Umunya-Argentine LIONEL MESSI yabuze no muri 30 bahatanira umupira wa zahabu ,Balon D'or.
Niwe mukinnyi wafashwe nk'umwami wa ruhago kuruta abandi ariko kuri ubu niwe mukinnyi ubabaye cyane kurusha abandi nyuma yo kwigirizwaho nkana nabo bamuhiga mu kibuga.
Uyu mwaka w'imikino urangiye wa 2021-2022 wamubereye umukara kuri we ahinduka iciro ry'imigani kuko atitwaye neza nk'uko yari asanzwe kuva mu myaka 17 yari ishize avugwaho ubuhangange.
LIONEL MESSI niwe ufite imipira ya zahabu [BALON D'OR] myinshi kurusha undi wese kuri iyi si ya Rurema, kuko afite igera kuri 7 mu gihe umukurikira ari Cristiano Ronaldo ufite 5 ndetse we wagize amahirwe yo kuba kuri uru rutonde n'ubwo nawe adahabwa amahirwe yo kuzagaragara muri 3 ba mbere.
Ikiragano cya MESSI na RONALDO mu gusimburanya kuri Balon D'or kiri ku musozo nk'uko bigaragarira buri wese wibazaga uzasimbura aba bagabo bombi n'ubwo bakiri mu guconga ruhago.
'Ninde uzasimbura aba bagabo ko bari ku rundi rwego?" cyari cyo kibazo kibazwaga n'abafana ba bombi, nyuma y'umunya-Brazil KAKA watwaye Balon D'or ya 2007 byahereye aho, kuva tariki 2 Ukuboza 2008 Cristiano Ronaldo yakubanye na LIONEL MESSI.
Ronaldo yayitwaye bwa mbere muri 2008, akurwaho na MESSI wayihariye 2009,2010,2011,2012 naho Cristiano yongera kuyisubiza 2013 na 2014, Yongera kuvanwaho na MESSI 2015, Yongera gusimburwa na mukeba CR7 ayikubira 2016 na 2017,byaje kuba induru ubwo hacagamo LUKA MODRIC wayitwaye 2018 ariko ntibyaramba kuko MESSI yongeye kuyisubirana muri 2019 hasimbukwa 2020 yongera kuyihabwa 2021 ku nshuro ya 7.
MESSI w'Uyu mwaka wa 2022 we na mugenzi we NEYMAR babajwe bikomeye no kubura mu bakinnyi 30 bose bitwaye neza ku isi, urutonde kenshi bayoboraga muri buri mwaka.
Ni igihombo kuri bo udasize n'ikipe yabo ya Paris Saint Germain ibarizwa mu bufaransa.
Ni agahinda ku bafana ba MESSI batari bake kuko Ku nshuro ya mbere mu myaka 17, Lionel Messi ntari mu bakinnyi 30 bahatanira Ballon d’Or y’uyu mwaka.
Abakinnyi 30 bari kuri uru rutonde ni:
Thibaut Courtois (Real Madrid), Mohamed Salah (Liverpool), Rafael Leao (AC Milan), Christopher Nkunku (RB Leipzig), Joshua Kimmich (Bayern Munich), Trent Alexander-Arnold (Liverpool), Vinicius Jr (Real Madrid), Bernardo Silva (Manchester City), Luis Diaz (Liverpool), Robert Lewandowski (Barcelona), Riyad Mahrez (Manchester City), Casemiro (Real Madrid), Heung-Min Son (Tottenham), Fabinho (Liverpool), Karim Benzema (Real Madrid).
Hariho kandi Mike Maignan (AC Milan), Harry Kane (Tottenham), Darwin Nunez (Liverpool), Phil Foden (Manchester City), Sadio Mane (Bayern Munich), Sebastien Haller (Borussia Dortmund), Luka Modric (Real Madrid), Antonio Rudiger (Real Madrid), Cristiano Ronaldo (Manchester United), Kevin de Bruyne (Manchester City), Dusan Vlahovic (Juventus), Virgil van Dijk (Liverpool), Joao Cancelo (Manchester City), Erling Haaland (Manchester City) na Kylian Mbappe (Paris Saint-Germain).
