UKO AMAKIPE AZAHURA APR NA RAYON KU RUPAPURO RUMWE.
![UKO AMAKIPE AZAHURA APR NA RAYON KU RUPAPURO RUMWE.](https://kalisimbi.com/uploads/images/2022/08/image_750x_62f114f098618.jpg)
Kuri uyu wa 08-08-2022 , Ishyirahamwe ry'umupira w'amaguru mu Rwanda FERWAFA rimaze gutangaza uko amakipe azesurana muri Shampiyona.
Ku itariki 19 Kanama i saa cyenda zuzuye neza nibwo umupira wa mbere uzaba utewe ishoti ritangiza umwaka w'imikino muri 'Primus National League'.
Ku ikubitiro ikipe ya AS KIGALI izacakirana na Etincelles FC kuri stade mpuzamahanga ya Kigali i Nyamirambo, mu gihe ikipe ya Bugesera izaba yakiriye KIYOVU Sports Club i Nyamata n'indi mikino ifungura shampiyona izabera mu mpande enye z'igihugu nk'uko bigaragara ku ngengabihe yasohowe.
Kenshi iyo hashyizwe hanze iyi ngengabihe, abanyarwanda hafi ya bose akajisho gahita gakubita kuri RAYON Sports na APR FC nk'amakipe y'amakeba ibihe byose nkaho byisangije urupapuro rumwe.
Ku nshuro ya mbere muri uyu mwaka w'imikino ugiye gutangira, Rayon Sports izakira APR FC mu mukino w'ishiraniro uzahuriza aya makipe yombi kuri sitade mpuzamahanga ya Kigali ku munsi wa 14 wa shampiyona, uzaba ari ku itariki 17 Ukuboza 2022 i saa cyenda z'amanywa.
Umukino wo kwishyura uzaba tariki 19 Gashyantare ya 2023 ubwo APR FC izakira Rayon Sport FC zongere guhurira i Nyamirambo.
Ni Shampiyona itangira 19 za Kanama uyu mwaka mu gihe amatariki izasorezwaho azaba atangazwa nk'uko ubuyobozi bwa FERWAFA bwabitangaje.