BIRANGIYE RAHEEM STERLING YEREKEJE MURI CHELSEA.
sammy16
Rutahizamu kabuhariwe mu ikipe y'igihugu y'ubwongereza Raheem Schaquille Sterling birangiye akomereje mu ikipe ya Chelsea FC.
Iyi kipe ya Chelsea ihereye mu murwa mukuru i London yamaze kwemeranya na Manchester City kugura Sterling ku kayabo kangana na miliyoni 47.5 z'amapawundi.
Imbaraga zishyigura uyu mugabo w'imyaka 27 mu mujyi wa Manchester zije nyuma yuko bitamugendekeye neza umwaka w'imikino ushize,aho atigeze ahabwa amahirwe yo kubanza mu kibuga kenshi nk'uko abyifuza ari nayo ntandaro yo kuba ahisemo kwerekeza i London muri iyi kipe yambara ubururu batazira akazina ka 'THE BLUES'
Amakuru dukesha ikinyamakuru Skysports avuga ko yahagurutse i Manchester mu gitondo cyo kuri iki cyumweru agana i Stamford Bridge kuri sitade Chelsea ikiniraho.
Muri aka kanya Sterling arimo arakora ikizamini cy'ubuzima mu mwambaro w'ubururu nk'uko byari biteganyijwe mbere yuko ashyira umukono ku masezerano yo gukinira iyi kipe.
Raheem Sterling uzwiho ubuhanga buhambaye, yakinnye imikino 30 gusa muri shampiyona ya 2021-2022 atsindamo ibitego 13 mu gihe irushanwa mpuzamakiepe akomeye i Burayi 'Champions League' ho yatsinzemo ibitego 3 mu mikino 12 yahawemo amahirwe yo gukina.
Benshi mu bakinnyi bakomeye barimo guhindura amakipe yabo mu gihe babona ko nta mwanya uhagije bahabwa ngo bigaragaze mbere yuko imikino y'igikombe cy'isi itangira mu gushyingo, ibi ni nabyo bitumye Sterling utari wishimiye iyicazwa rye ku gatebe yisunika ava i Manchester ngo arebe ko bwacya 2.
Sterling yamaze kugera i London
