ABAKINNYI 10 BAHEMBWA NEZA KU ISI MURI 2023.
sammy16
Urutonde rw'abakinnyi bafata agatubutse ku isi rumaze gusohoka muri uyu mwaka mushya wa 2023.
Nk'uko tubikesha Forbes Magazine kuri uyu wa 03 Mutarama 2023 yashyize hanze uko abakinnyi bakurikirana kugeza ubu bahembwa neza kurusha abandi mu isi ya ruhago.
Ni urutonde ruyobowe na kizigenza Cristiano Ronaldo nyuma yo kuva muri Manchester United yari uwa 3 yahise yisunika yicara ku ntebe y'icyubahiro ku mushahara akinjira mu ikipe ya AL NASSR FC yo mu gihugu cya ARABIA SAUDITE.
RONALDO azajya afata amapawundi asaga 165,000,000 mu umwaka wose akubye inshuro zirenga 2 zose z'ayo yahembwaga muri Manchester United angana n'amapawundi Miliyoni 82,700,000.
Umukurikira kugeza ubu ni KYLIAN MBAPPE w'ikipe ya Paris Saint Germain usigaye ahembwa amapawundi asaga miliyoni 105,800,000 mu gihe kingana n'umwaka wose.
Uku niko bakurikirana bose uhereye ku mukinnyi wa mbere kugeza ku wa cumi mu guhembwa by'ikirenga mu mapawundi;
1. CRISTIANO RONALDO wa Al Nassr FC - 165,000,000
2. KYLIAN MBAPPE wa Paris Saint Germain FC - 105,800,000
3. LIONEL MESSI wa Paris Saint Germain FC - 90,900,000
4. NEYMAR Jr. wa Paris Saint Germain FC - 71,900,000
5. MOHAMED SALAH wa Liverpool FC - 43,800,000
6. ERLING BRAUT HAALAND wa Man. City FC - 32,200,000
7. ROBERT Lewandowski wa Barcelona FC - 28,900,000
8. EDEN HAZARD wa Real Madrid FC - 25,600,000
9. Andrés Iniesta Luján wa VISSEL KOBE FC - 24,800,000
10. KEVIN DE BRUYNE wa Man. City FC - 24,000,000
Ibi byasohotse tariki 03 Mutarama 2022 mu gihe bamwe muri aba bakinnyi batarahindura amakipe bigendana n'imishahara yabo.
Umunya-Portugal Cristiano Ronaldo nyuma yo gutaha amaramasa mu mikino y'igikombe cy'isi bikubitiraho no kuba nta kipe yari afite akinira kuva yasesa amasezerano na Manchester United, amarira yaje guhozwa n'uyu murundo w'inote agiye kujya afata buri mwaka aho kuri uyu mugoroba saa 18:00 kuri sitade ya AL NASSR FC aza kwerekanwa imbere y'abafana nyuma yo gukorerwa ibizamini by'ubuzima[Medical Checkup]
Soma iyi nkuru ya Cristiano muri AL NASSR FC; https://kalisimbi.com/cristiano-ronaldo-akoreye-ibidasanzwe-al-nassr-fc-yinjiyemo
