SALAH ACIYE AGAHIGO LIVERPOOL ITSIKIYE.
sammy16
Umunyamisiri Mohamed Salah ukinira ikipe ya Liverpool akoze ibidasanzwe yongera ku tundi duhigo asanganywe nyuma yo gutsinda igitego.
Bibaye kuri uyu wa 06 Kanama ubwo Hari mu mukino wa mbere wa Shampiyona urangiye baguye miswi na FULHAM [2-2] iherutse kuva mu cyiciro cya kabiri.
Watangiye ikipe ya FULHAM itsinda Liverpool igitego kimwe ku busa cyatsinzwe na Alexandre MITROVIC ku munota wa 32 w'igice cya mbere cy'uyu mukino wari ishiraniro,igice cya Kabiri gitangira Nunez yishyura ku munota wa 64.
Ku wa 72 uwabakubise yari abasubiriye induru ziravuga abakinnyi ba Liverpool bariheba gusa SALAH aza gutabara habura iminota 9 ngo umukino urangire.
Igitego MOHAMMED SALAH atsinze gitumye aca agahigo ko kuba umukinnyi wa mbere utsinze muri buri mukino ufungura Shampiyona mu myaka 6 yikurikiranya ishize.
LIVERPOOL ihabwa amahirwe yo kwegukana igikombe cy'uyu mwaka w'imikino wa 2022-2023 bijyana n'uburyo yiyubatse bihambaye n'ubwo itangiye itsikirira ku ikipe nka FULHAM.
Iyi Shampiyona y'abongereza 'PREMIER LEAGUE' kandi yaraye itangiye mu ijoro ryacyeye ubwo ikipe ya Arsenal yo yatangiye ihondagura Crystal Palace ibitego 2 ku busa.
