MESSI AHAWE BALON D'OR YA 8
sammy16
LIONEL Andres MESSI yongeye kwegukana umupira wa zahabu "BALON D'OR" ku nshuro ya 8 akomeza kwanikira abandi mu guca uduhigo tudasanzwe muri ruhago.
Kuri uyu wa 17 Ukwakira 2023 nibwo hamenyekanye ko uyu munya-Argentine kabuhariwe mu kibuga yambitswe irindi kamba ry'icyubahiro ku myaka ye 36 nyuma yo kwitwara neza mu mwaka w'imikino wa 2022-2023.
Nk'uko tubikesha ikinyamakuru GOAL cyanditse ko uyu mugabo usigaye ukinira muri Leta zunze ubumwe z'America i MIAMI, yatangajwe na nk'umukinnyi wahize abandi ku isi akaba azanahabwa iki gihembo kiruta ibindi muri Football ku ya 30 Ukwakira 2023.
Yahigitse abakinnyi bakomeye barimo rutahizamu ERLING Braut Haaland wa Manchester City, ahita yandika amateka adasanzwe yo kuba umukinnyi wa mbere utsindiye uyu mupira wa zahabu adakinira ku mugabane w'i Burayi nyuma yuko ahateye umugongo akerekeza muri Inter Miami.
Ni mu birori ngarukamwaka bizabera i Paris bihora bitegurwa na France Football ari nayo itanga ibihembo muri uyu muhango w'akataraboneka.
Bibaye nyuma yo kwegukana igikombe cy'isi cya 2022 yari anyotewe gutwara kuva kera cyahise kimushyira ku isonga ntakabuza ku rwego rw'isi muri Football.
Amaze imyaka 19 yose n'umunsi umwe yinjiye mu kibuga asimbuye mu ikipe ya Fc Barcelona yamugize uwo ari we ndetse anayihesha ikuzo mu myaka isaga 17 n'amazi 2 yiyongeraho iminsi 22.
