ABASIRIKARE BAKURU BA CONGO BAHEMBWE AMAZU Y'AKATARABONEKA.
sammy16
Umukuru w'igihugu cya Repubulika iharanira Demokarasi yatanze amazu ku basirikare baruta abandi mu gihugu nko kubongerera akanyabugabo ku rugamba.
Kuri uyu wa 3 Nyakanga nibwo ibiro bya Perezida Antoine Felix Tshisekedi byatangaje ko yagabiye amazu abasirikare be bafite amapeti ari hejuru mu rwego rwo kubashimira umurava n'ubwitange bagira.
Mu butumwa bwacishijwe ku rubuga rwa Twitter y'ibiro by'umukuru w'igihugu cya RDC, buragira buti “Perezida wa Repubulika, Umugaba w’Ikirenga w’ingabo na Polisi, Félix Tshisekedi, yahaye imfunguzo z’inzu ba Jenerali na ba Colonel mu ngabo za FARDC.”
Ni akandi kanozangendo kuri bo bahawe inzu 30 zigezweho ziri mu bwoko bwa 'VILLAS' zikaba ari zo zanatashywe ku mugaragaro bwa mbere nyuma yuko hari izindi zisaga 190 zagenewe ba Ofisiye bakuru.
Ibi bibaye nyuma yuko izi ngabo zirimo gutsindirwa ku rugamba zihanganyemo n'inyeshyamba z'umutwe wa M23 mu burasirazuba bw'iki gihugu.
