URUKIKO RW'IKIRENGA RWASHIMANGIYE INTSINZI YA Dr. WILLIAM RUTO.
sammy16
Nyuma y'ibirego bitandukanye bya RAILA Odinga, byarangiye biteshejwe agaciro asubiza amerwe mu isaho.
Urukiko rw'ikirenga muri Kenya rwanzuye bidasubirwaho ko Dr. William Ruto agirwa Perezida wa Repubulika bishimangira intsinzi yagize mu matora yabaye ku ya 09 Kanama 2022.
Byaciye amarenga ko nyuma y'uyu mwanzuro hashobora kuba umutekano muke ibintu bikadogera, ubwo muri iyi minsi abasirikare n'abapolisi bigabye mu bice byose bigize iki gihugu gucunga umutekano bakumira abashobora kwigaragambya.
Dr. William Ruto abaye Perezida wa gatanu w'iki gihugu gisanzwe gifitanye umubano mwiza n'u Rwanda mu mpande zose z'ubuhahirane.
Ibyavuye mu matora byatangajwe bwa mbere ku ya 15 z'ukwa munani , RUTO atsinda kubwiganze bw'amajwi angana na 50.49% ahigitse ODINGA wari ufite 48.85% andi yigabanywa mu bandi bakandida babiri bari basigaye bitishimiwe na busa nabo bikurura imirwano imbere muri 'Bomas Of Kenya'
Soma: https://www.kalisimbi.com/ijambo-rya-mbere-rya-dr-william-ruto-ubaye-perezida-wa-kenya
Ibi byose RAILA Odinga n'ubu ntaremera ko yatsinzwe bitera impungenge z'umutekano muke ushobora kurangwa by'umwihariko muri Nairobi nk'uko akenshi ari ho ihera.
Soma: https://www.kalisimbi.com/kenya-batangiye-kwigaragambya
