THE CLASS LOVE SEASON 02 EPISODE 21
Iyi nkuru yacu mu gice giherutse Betty yari akirimo kubeshywa na Discipline master nyuma yo kumurarana iwe ijoro ryose, Gaston we ubwigunge bwari bukomeje,Linda we ahugiye mu masomo ye,Philippe amaso yari yaheze mu kirere atagereje Chance,........... Byagenze bite?
sammy16
0
THE CLASS LOVE
SEASON 02
EPISODE 21
"""""""""""""""""""""""""""""""""""""""""""""""""""""
Kubaha Imana mukongereho gukunda benedata,gukunda benedata mukongereho URUKUNDO,aya ni amagambo Paul yanditse mu urwandiko rwa kabiri yandikiye Petero.
Burya URUKUNDO ni ingenzi kandi niryo pfundo ryo kubaho niyo mpamvu nanjye #mbakunda Namwe #nimukundane
Iyi nkuru yacu mu gice giherutse Betty yari akirimo kubeshywa na Discipline master nyuma yo kumurarana iwe ijoro ryose, Gaston we ubwigunge bwari bukomeje,Linda we ahugiye mu masomo ye,Philippe amaso yari yaheze mu kirere atagereje Chance,...........
Byagenze bite?.... #komezawisomere
Discipline master nyuma yo kubyuka amaze Kubeshya Betty, yaramurebye maze bitunguranye amubwira kubyuka nawe,Betty yibaza impamvu.
Discipline master: "Betty urabiziii?"
Betty: "Ibiki?" (Yikangamo)
Discipline master: "Byuka"
Betty: "Mbyuke?!"
Discipline master: "Ndavuze ngo byuka"
Betty: "Ariko se ko unshushubikana bite?"
Discipline master: "Ntiwumva?"
Betty: "Aka kanya se?"
Discipline master: "Wowe byuka nkwereke icyo unkorera"
Discipline master ahita asohoka mu cyumba asiga Betty arimo abyuka.
Gaston muri class barimo kwiga imibare,ariko ubona ko atameze neza na gato,ahari adahari,Mwalimu nyuma yo gusobanura isomo ry'umunsi ashyira ikibazo ku ikibaho ngo bagerageze mu myitozo,gusa Gaston we agerageje cya kibazo kiramunanira kandi yari umuhanga bizwi hose ko arenze mu mibare.
Mwalimu mu kugenda agenzura buri wese uko yakoze cya kibazo yageze ku umusore wacu asanga yakoze amabara gusa gusa nta gisubizo kizima yatanze.
Mwalimu bitamutungura Cyane kubona Gaston atsindwa bigeze aho,bararebana isoni ziramwica maze ahita amufata ukuboko ngo basohoke hanze bavugane.
Mwalimu: (bageze hanze) "Gaston bite byawe buriya unkoreye ibiki?"
Gaston: "Am sorry Sir!! Ni ukuri sinzi nanjye byancanze."
Mwalimu: "Oooh No!! Ni gute isomo watsinze umwaka ushize rikunanira?"
Gaston:(abanza guceceka) "nanjye simbizi rwose"
Mwalimu: "Nkubwije ukuri rero,nutitonda uzongere usibire."
Gaston: "Ngusabye imbabazi nanjye sijye."
Mwalimu: "Harabura iki?..... N'ukuntu nari nizeye ko ari wowe ugiye gufasha abandi?"
Gaston: "Ni ukuri sinzi icyo nkora kukooo..."
Mwalimu: "Gaston ufite igihe cyo kwiyitaho no kwisubiraho,gikoreshe neza rero,birashoboka ko gusibira mu uburyo utari witeze byakugoye kubyakira,ariko ibyiza ni uko udakwiye gucika intege kuko burya buri gihe kigira ibyacyo buriya hari impamvu wasibiye Imana niyo ibizi"
Gaston: "Kugeza ubu sindamenya icyo nkwiye gukora kuko ibintu bikomeje kumbera ihurizo"
Mwalimu: "No!! You don't have to worry,ntabwo ukwiye gukomeza kwishyira mu bibazo ahubwo rwana no kubyikuramo,uranyumva?.. Aho kubyishyiramo ahubwo byikuremo"
Gaston: "Ndakumva!"
Mwalimu: "Ariko kugeza ubu njye namaze kubona ikibazo nyacyo ufite,kandi ndaza kukurangira umuti nyawo."
Gaston ahita yikangamo akeka ko Mwalimu ibye byose yabimenye,agiye kumubaza Mwalimu ahita amusubiza muri Class igitaraganya,abandi abanyeshuli bigana babibonye bamwe batangira kwongorerana,bajujura,Mwalimu ahita abacecekesha.
Philippe we yicaye wenyine barimo kwiga nabo ariko akajya anyuzamo akarebana na Chance bakicirana utujisho hagati yabo.
Hashize umwanya Mwalimu wabo arasohoka isomo rirangiye abasigira umukoro wo gukora anabasigiramo iminota yo kuba basubiramo,Philippe aho gusubiramo we urukundo rwari rwose ni nawo mwanya yari abonye ngo avugane na Chance, maze aramurembuza ngo aze bicarane amubwire,Chance akajya azunguza intungu amubwira ati 'Ndiyangiye'... akongera ati 'Ndanze' nabwo akoresheje intugu,Philippe aringinga umukobwa yanga ariko ubona ko arimo kumukinisha mbese bikinira agakino k'urukundo,Philippe ashyira umutwe ku ntebe amureba maze na Chance ashyira umutwe ku ntebe nawe amureba,Philippe areguka akimureba noneho na Chance ahita abikora,icyo Philippe akoze Chance akamwigana bityo bityo.
Mu gihe bakiri muri ibyo Chance ahagurutse agiye kuza kwirebera umukunzi we Philippe ngo baganire bitinde ako Kanya Deo aba araje n'ikayi yicara kwa Philippe, Chance abibonye ahita yijijisha arasohoka.
Deo:(mu kwicara Philippe atabyishimiye)"Philippe we wabikoze se?"
Philippe: "Ibiki?" (Amureba nk'utamwishimiye,kwiyumanganya byanze kuko amwiciye umuti)
Deo:"Uriya mukoro Mwalimu adusigiye,Ese ko mbona utameze neza?"
Philippe: "Ooh man sinzi kabisa nanjye ariko ntaribi papa,ntabwo ndabikora wowe wabikoze" (arenzaho nyine ntakundi yabigenza noneho ntiyamurakarira kuko yabonaga nawe atariwe)
Deo:"Oya nari nje ngo tubikorane tuu!!"
Philippe: "Okay ntaribi"
Philippe ntakundi yahise akomeza amasomo mu uburyo atari yiteguye,Byose yari arimo aba abishyize ku uruhande,we na Deo batangira gukora ikibazo cya mbere, mu gihe bari bahuze Philippe yahise yumva umuntu umukozeho arahindukira aramubura,akomeza ibyo yari arimo,hashize umunota yongera kumva kwa kuboko arebye abura umuntu, Kumbi ukuboko kwaturukaga hanze ariko ataramenya nyirako,Philippe akajya acungana n'aho kwa kuboko kuva,ajya kumva yumva kumukozeho inshuro ya gatatu,ahindukiye abona kurenga abona inzara z'intoki ni iz'umukobwa gusa biramucanga,yibaza nyirabyo,mu gihe agitekereza niba asohoka abona Umwalimu uje asatira Class yabo,yibaza uko asohoka biramuyobera.
Linda aho yicaye nawe aza afite ikayi asanga Deo na Philippe ngo bafatanye cya kibazo,Philippe arahaguruka.
Deo:"Uhmm!!!! Uhise ugenda? "
Philippe: "Ndaje gato"
Linda: "Ni Jye utumye ugenda se?"
Philippe: "Oyaa"
Linda:"None se ko nje ukaba aribwo ugenda? "
Philippe: "Sorry!, Deo Reka nze mu minota ndahita ngaruka mube mubikora ndaje sintinda."
Deo:"Okay!" (Philippe aragenda, asiga Deo yicaranye na Linda)
Linda: "Mwari mugeze he?"
Deo:"Nibwo twari tugitangira,ubuse uwamutegereza?"
Linda: "Okay Reka mbe nisubiriye mu ntebe yanjye rero nimwongera ndagaruka" (agiye guhaguruka Deo amubuza kugenda)
Deo:"Oya ba wicaye ngize n'amahirwe"
Linda: "Ngo iki?"
Deo:"Nagushakaga none ndakubonye"
Linda: (yikangamo) "Wanshakiraga iki?"
Deo:"Linda! Hari ubutumwa ngufitiye."
Linda: "Ubutumwa?!!"
Deo:"Cyane "
Linda: "Okay Ndahari wese bumpe cyangwa ubumbwire"
Deo yahise ahaguruka yitonze n'ikayi ye amusiga yicaye aho wenyine ntacyo amubwiye,Linda amukurikiza amaso akomeza kumutegereza,Deo amara akanya maze agiye guhaguruka, wa Mwalimu aba yinjiye muri Class yabo, Deo ahita yicara. Linda yitonze nawe asubirana amatsiko menshi mu ntebe ye.
Philippe we ari hanze azenguruka ahantu hose atarabona umuntu wamukoragaho,yumvaga ko ntakabuza ari Chance ntawundi.
Gaston wari wasohotse nawe aba akubitanye na Philippe,bavugana Philippe atabishaka.
Gaston: "Philippe!!"
Philippe: "Ni iki?"
Gaston: "Bite?"
Philippe: "Ntubibona se?"
Gaston: "Ese ko muri Iyi minsi utakinyikoza"
Philippe: (we arimo yirebera hirya no hino ngo arebe ko abona umukunzi we) "Oyaa"
Gaston: "none se ko umpunga iyo nje ngusanga"
Philippe: "Wowe se abagusanze bose nta numwe wahunze?"
Gaston: (yumva aramurashe)"Niyo mpamvu se?"
Philippe: "Cyane"
Gaston: "Ariko Philippe iyo ubona nsigaranye irungu nawe urampunga?"
Philippe: "Ni wowe waryiteye!"
Gaston: "Ese man waretse ibyo urimo ukanyumva?"
Philippe: "Nkumva?"
Gaston: "nyumva man"
Philippe: "Wowe?"
Gaston: "Yego"
Philippe: "Iteka nubona inzira yawe ishobora kuzamo ibihombo,uziyambaze inshyimbo,ukomeze wirinde amagambo" (amubwira yitonze amureba maso Gaston yibaza impamvu)
Gaston: "Ngo iki?"
Philippe: "Ibyo wumvise si ikinyarwanda?"
Gaston: "Nicyo ariko sinsobanukiwe"
Philippe: "Uzabaze abandi batari Jye sinkorana n'abanyabihombo."
Philippe ahita amusiga aho,Gaston asigara yumiwe Cyane no kubona na Philippe yari yizeye amusize,gusa rya jambo rimusigara mu matwi rimukorogoshora.
Director we yari azanye na Animateur mushya agenda amwereka ikigo uko kimeze, ubona ko ari ibintu byiza kandi uwo Animateur yagaragaraga ko ari umugabo wiyubashye.
Betty wari wicaye kwa Discipline master yibaza byinshi ubona ko arimo yitekerezaho cyane, yibaza amaherezo ye ababaye, ari muri cya gihe cyo kwicuza,areba rwa rupapuro rwamwirukanye handitseho ko agomba kumara ibyumweru bibiri iwabo akagaruka mu kigo azanye n'ababyeyi,mu gihe Agisoma ibyo, yumva Discipline master akubise urugi yinjira yasinze inzoga zamurenze,atangira kumutuka maze aza amugezeho Betty atungurwa no kubona Discipline master yinjiranye..................
EPISODE 22 On the Way......................
Discipline master uje yasinze se yinjiranye iki?...... Philippe se arabona umukunzi we,Ese iriya yari ikimenyetso?...Gaston arabyifatamo ate?... Deo ni butumwa ki yari agiye kubwira Linda?......
Tanga ibitekerezo byawe.
NTUZACIKWEEEEE!!!!!
Wowe kora SUBSCRIBE kuri iyi website kugirango inkuru zacu ujye uzibona vuba zigisohoka kandi nshuti nkwibutse kujya ukora SHARE ntukabyihererane Jya ubisangiz inshuti zawe na group zose ubamo.
MURAKOZE
SHALOOOM
