KIZIGENZA CR7 AMAHEREZO Y'INZIRA ASHOBORA KUBA AHO YAVUYE.
sammy16
Ibyasaga naho rutahizamu CRISTIANO Ronaldo abuze amajyo bikomeje kugaragara ko arimo abivugutira umuti usharira ariko ukiza indwara arwaye.
Ikinyamakuru SkySports kimaze gutangaza ko Ronaldo arimo aganira n'ikipe ya Sporting Lisbon yigaragarijemo imbere y'abatuye isi agitangira gukina umupira kinyamwuga.
Hugo Viana uyobora iyi kipe ya Sporting CP yabisamiye hejuru abifata nk'igitego cy'umutwe agiye gutsinda agarura kizigenza muri ruhago kuri uyu mubumbe.
Cristiano adaciye ku ruhande yongeye kwerurira Manchester United ko adashaka kuyikinira undi mwaka w'imikino mu gihe itabonye itike yo gukina irushanwa rya 'Champions League' anyotewe cyane.
Ibiganiro bigeze hafi ku musozo n'iyi kipe yamuzamuye,uyu munya-Portugal akaba yiteguye kugaruka ku ivuko bidatinze nk'uko The Athletic ibivuga amaherezo y'inzira akaba aho yavuye.
Sporting CP yo mu mujyi wa Lisbon yo yamaze gukatisha itike yo kuzakina Champions League we yifuza cyane byanatumye yiyemeza kwishyura amasezerano y'umwaka yari asigaranye na Manchester United kugira ngo imurekure yigendere.
Ibi byose uyu mugabo w'imyaka 37 arabikorera ko atifuza gusaza uduhigo twe batugerereye, cyane arifuza gukuraho ibitego 3 arushwa na MESSI mu bitego by'amatsinda y'iri rushanwa ryamuhogoje.
Ntawundi mukinnyi wabayeho kandi umurusha ibitego byinshi muri iri rushanwa rihuza amakipe ahiga andi muri za shampiyona zo mu bihugu by'i Burayi, nubwo mukeba we MESSI amurya isataburenge.
